नाशिक

शेजारील तालुके दुष्काळग्रस्त, मग दिंडोरी का नाही?

शेतकर्‍यांची व्यथा : ’हिरवा पाला’ दिसतोय, पण धान्याचा पत्ता नाही

दिंडोरी : प्रतिनिधी
शेजारील तालुके दुष्काळग्रस्त जाहीर झाले असताना, दिंडोरी तालुक्याला या यादीतून वगळण्यात आले आहे. मात्र, प्रत्यक्षात शेतकर्‍यांच्या बांधावर जाऊन परिस्थिती पाहिल्यास वास्तव पूर्णपणे वेगळे असल्याचे दिसते. पाऊस झाला खरा, पण तो योग्य वेळी न बरसल्यामुळे शेतकर्‍यांच्या हातातोंडाशी आलेला घास हिवाळा आहे.
दिंडोरी तालुका आज वरवर पाहता हिरवागार आणि सुजलाम् सुफलाम् दिसत असला, तरी या हिरव्यागार पाठीमागे शेतकर्‍यांच्या अफाट व्यथा दडलेल्या आहेत. योग्य वेळी पाऊस न झाल्याने अनेक पिकांना अपेक्षित धान्यच आलेले नाही. शेतात फक्त हिरवागार पाला दिसत असला तरी दाणा भरलेला नाही. यामुळे प्रशासनाने केवळ कागदोपत्री पाहणी न करता, प्रत्यक्ष शेतकर्‍यांच्या बांधावर जाऊन नुकसानीची वस्तुस्थिती तपासावी, असा संतप्त सवाल केला जात आहे. दिंडोरी तालुक्यात सोयाबीन, भुईमूग, नागली यांसह भाजीपाला आणि टोमॅटोचे मोठ्या प्रमाणावर उत्पादन घेतले जाते; परंतु सध्या या शेतीमालाला बाजारपेठेत अपेक्षित भाव मिळत नसल्याने शेतकरी आर्थिक संकटात सापडला आहे. विशेष म्हणजे, तालुक्यात मोठी धरणे असूनही त्या पाण्याचा शेतकर्‍यांना प्रत्यक्ष किती लाभ मिळतो, हा मोठा प्रश्न आहे. पिण्याच्या पाण्यासाठी साठा आरक्षित ठेवल्यास शेतीसाठी पाणी उपलब्धतेचे नियोजन कसे होणार? या चिंतेने शेतकरी ग्रासला आहे.

शासनाकडे तातडीने मदतीची मागणी

प्रशासनाने तळागाळातील शेतकर्‍यांची प्रत्यक्ष परिस्थिती जाणून घेऊन तातडीने उपाययोजना करण्याची गरज आहे. हिरवागार दिसणारा प्रत्येक शेतमाल बळीराजाला आर्थिक उत्पन्न मिळवून देईलच, असे नाही. खरी परिस्थिती समजण्यासाठी प्रशासनाला थेट बांधावर जावेच लागेल. त्यामुळे शासनाने तातडीने दखल घेऊन दिंडोरी तालुक्याचे नाव दुष्काळी यादीत समाविष्ट करावे, अशी आक्रमक मागणी शिवसेनेचे जिल्हाप्रमुख भाऊलाल तांबडे व तालुकाप्रमुख किशोर कदम यांनी केली आहे.

Neighboring talukas are drought-hit, so why isn’t Dindori?

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

22 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

22 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

22 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

23 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

23 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

23 hours ago