ओझरखेड धरणाजवळ थार-अर्टिगाची धडक
दिंडोरी : प्रतिनिधी
कसबे वणी- नाशिक रस्त्यावर ओझरखेड धरणाच्या सांडव्यापुढील हॉटेल श्रीहरीजवळ मंगळवारी (दि. 17) रात्री साडेदहाच्या सुमारास थार आणि अर्टिगा मोटारीची समोरासमोर भीषण धडक झाली. या दुर्घटनेत अर्टिगा चालक सुनील अरुण शिंदे यांचा मृत्यू झाला असून, सहा जण गंभीर जखमी झाले आहेत.
मिळालेल्या माहितीनुसार, थार (एमएच 15 जेएच 8882) नाशिकच्या दिशेने, तर अर्टिगा (एमएच 15 केयू 1205) वणीच्या दिशेने जात होती. दोन्ही वाहनांची धडक इतकी जोरदार होती की, त्यांच्या पुढील भागाचा पूर्णपणे चक्काचूर झाला. अपघाताचा आवाज ऐकताच परिसरातील नागरिकांनी तातडीने घटनास्थळी धाव घेत मदतकार्य सुरू केले आणि जखमींना उपचारासाठी दिंडोरी ग्रामीण रुग्णालयात दाखल केले. घटनेची माहिती मिळताच वणी पोलीस ठाण्याचे सहायक पोलीस निरीक्षक हेमंत फड व त्यांच्या पथकाने घटनास्थळी धाव घेत मदतकार्यात सहभाग घेतला आणि वाहतूक सुरळीत केली.
या अपघातात अजय पाटील, दिनेश पाटील, काजल पाटील, भावेश पाटील, शिवसागर शिंदे आणि यश पाटील हे सहा जण जखमी झाले आहेत. हे सर्वजण वरखेडा येथील रहिवासी असून, अर्टिगा मोटारीतून प्रवास करत होते. दरम्यान, थार गाडीत नेमके किती प्रवासी होते आणि जखमींना पुढील उपचारासाठी कोणत्या रुग्णालयात हलविण्यात आले आहे, याबाबतची अधिक माहिती अद्याप समजू शकलेली नाही.
One killed, six injured in an accident on the Kasbe Vani-Nashik road
इगतपुरीत स्लॅब कोसळून चार महिलांसह 17 जण जखमी, रात्री साडेदहाची दुर्घटना इगतपुरी : प्रतिनिधी मुंबई-नाशिक…
जानेवारीच्या विक्रमी उच्चांकावरून 61 टक्क्यांची घसरण; 1980 व 2011 मधील उच्चांकही मागे मुंबई : प्रतिनिधी…
‘अक्वान’ चक्रीवादळाची तीव्रता वाढली मुंबई : प्रतिनिधी बंगालच्या उपसागरातील मध्य-दक्षिण आणि लगतच्या पश्चिम-मध्य भागावर निर्माण…
देशभरातील आवकेत 24 टक्के घट; किरकोळ भाव 60 रुपये किलोवर नवी दिल्ली/नाशिक : प्रतिनिधी कांद्याचे…
शायना एनसींच्या कृतीवर ठाकरे गट, काँग्रेसचा संताप; भाजपकडूनही माफीची मागणी, शिंदेंकडून मात्र पाठराखण! मुंबई :…
- सुजाता येवले फळबियांच्या शोधात वृक्षावृक्षांत धावत होती, डोळ्यात आसवे आणत होती. दुरवर गेलेल्या सहचरांना…