मखमलाबाद शिवारातील घरफोडीत तीन लाख 80 हजारांचा ऐवज चोरला

पंचवटी : प्रतिनिधी कुटुंब बाहेरगावी गेल्याची संधी साधून चोरट्यांनी पंचवटीतील मखमलाबाद शिवारात केलेल्या घरफोडीच्या दोन घटनांमध्ये तीन लाख 80 हजारांचा ऐवज चोरून नेला. घरातील सोने-चांदीचे दागिने व रोकड असा ऐवज चोरट्यांच्या हाती लागला. कोमल वसंतराव रामटेके (32, रा. इंद्रप्रस्थनगर, विठ्ठल पार्क, ताराई निवास, पेठ रोड, मखमलाबाद शिवार) या पिंपळगाव गरुडेश्वर येथे कामावर असताना अज्ञात चोरट्याने बंद रोहाउसच्या खिडकीचे ग्रील वाकवून आत प्रवेश केला. बेडरूममध्ये ठेवलेले लाकडी कपाटातील सोन्याचे टॉप्स, तीन अंगठ्या, चांदीचा दिवा तसेच 50 हजारांची रोकड असा तीन लाख पाच हजारांचा ऐवज चोरून नेला. जवळील स्काय पार्क सोसायटीमध्ये राहाणारे प्रभाकर पुंडलीक राऊत यांच्या घराचेसुद्धा लॉक तोडून घरातील सामानाची उस्तारपास्तर करून चोरी करण्याचा प्रयत्न झाला आहे. म्हसरूळ पोलिसांनी गुन्हा नोंदवला असून, उपनिरीक्षक गावित तपास करीत आहेत. दीपक बापूराव पवार (43, रा. अवध रोहाउस, तवली फाटा, पेठरोड, मखमलाबाद शिवार) हे कुटुंबासह कळवण येथे विवाह सोहळ्यास गेलेले असताना अज्ञात चोरट्याने दरवाजाचे कुलूप व कडी-कोयंडा तोडून आत प्रवेश केला. घरातून सोन्याचे टॉप्स, नथ, बाळी असा 74 हजारांचा ऐवज चोरून नेला. हवालदार डी. ए. चव्हाण तपास करीत आहेत.

Property worth Rs 3.80 lakh stolen in house burglary in Shivara, Makhamalabad