नाशिक

त्र्यंबकेश्वरसह परिसरात रिसॉर्टची झाडाझडती

भोंदूबाबा अशोक खरात प्रकरण : पुढार्‍यांचे गुरू तपासाच्या रडारवर

त्र्यंबकेश्वर : प्रतिनिधी
स्वत:ला ज्योतिषी भासवणारा आणि महिलांचे लैंगिक शोषण करणारा अशोक खरात याच्या त्र्यंबकेश्वर कनेक्शनची तपासणी होत आहे. यासाठी पोलीस, महसूल यंत्रणा सतर्क झाल्या आहेत. गैरमार्गाने मिळवलेल्या गुंतवणुकीसाठी त्र्यंबकेश्वर शहर आणि परिसर मागच्या काही वर्षांत अशा भोंदूबाबांचे आणि भ्रष्टाचारी अधिकारी, पुढारी यांच्या आकर्षणाचे केंद्र बिंदू ठरले आहे. विशेषत: रिसॉर्टच्या स्वरूपात होणारी गुंतवणूक मोठी आहे.
त्र्यंबकेश्वर शहर आणि परिसरात असे काही तथाकथित बुवाबाजी करणारे बाबा आहेत का? याचा धांडोळा घेण्यात येत आहे. विशेष म्हणजे, भोंदूबाबा अशोक खरात त्र्यंबकेश्वर येथील धार्मिक विधींच्या सोबत साधर्म्य दाखवत नागपूजा करत होता. सिन्नर जवळच्या मिरगाव येथील आश्रमात कृत्रिम इलेक्ट्रॉनिक यंत्रणा असलेला 20 फुटी नाग दाखवून त्याची पूजा करायचा. त्यामुळे त्याचे त्र्यंबकेश्वर येथे काही कनेक्शन आहे का? याची माहिती घेण्यात येत आहे. त्र्यंबकेश्वर शहर व परिसरात त्याच्या राजकीय शिष्य परिवाराने मोठी गुंतवणूक केल्याची चर्चा आहे. त्यासाठी तो आशीर्वाद व सल्लादेखील देत होता. गुंतवणूक करणे फायदेशीर ठरणार की नाही? कोणत्या दिशेला आणि किती क्षेत्र घ्यायचे असले सल्ले देऊन स्वतःच्या तुंबड्या भरत होता. त्याने काही भागीदारी केली असावी, असा संशय तपास यंत्रणांना असल्याने त्र्यंबकेश्वर शहर आणि परिसरातील गुंतवणुकीचे रेकॉर्ड त्यांच्या रडारवर आले आहे.
भोंदूबाबा खरातसारखे पुढार्‍यांचे ज्योेतिषी असल्याच्या चर्चा येथे नेहमीच घडत असतात. त्यांचे दिवसेंदिवस विस्तारत असलेले साम्राज्य, विनापरवाना होत असलेली बांधकामे व नियम धाब्यावर ठेवून झालेले काम कोणाच्या आशीर्वादाने अशी चर्चा नेहमीच होत असते. येथे राजकीय पुढार्‍यांना आशीर्वाद देताना प्रत्यक्षात त्यांच्याच कृपाप्रसादाने मिळणार्‍या छत्रछायेखाली स्वतःच्या तुंबड्या भरण्याचे उद्योग बिनबोभाट सुरू आहेत. आपण कसे त्यांचे गुरू आहोत, अशी शेखी मिरवत सर्वसामान्य नागरिकांना धाकात ठेवण्याचे काम होत होते.

राजकीय ज्योतिषांची कुंडली तपासणी

त्र्यंबकेश्वरसह परिसरात बस्तान बसवलेले, शासकीय अथवा खासगी भूखंड बळकावून त्यावर स्वत:चे प्रतिष्ठान उभारणे आदी राजकीय ज्योतिषांच्या कुंडली तपासणीचे काम सुरू झाले आहे. निवडणूक कालावधीत आणि इतर वेळेसदेखील येथे येणारे राजकारणी, उच्च अधिकारी कोणाकडे गेले होते, याचा मागोवा घेण्यात येत आहे. भविष्यात मोठी खळबळ उडवणारे प्रकार उजेडात येतील, अशी नागरिकांमध्ये चर्चा होत आहे. त्र्यंबकेश्वर शहर व परिसर हे अवैध मार्गाने मिळालेली संपत्ती दडवण्याचे ठिकाण म्हणून प्रसिद्धीस आणण्यामागे भ्रष्ट लोकांचा हात आहे. त्यांना शासन घडावे, अशी सर्वसामान्य नागरिक त्र्यंबकराजाकडे प्रार्थना करत आहेत.

Resorts in Trimbakeshwar and surrounding areas are being overrun by trees.

 

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

18 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

18 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

18 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

19 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

19 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

19 hours ago