अभोण्यात परतीचा पाऊस

अभोणा : प्रतिनिधी
अभोणासह परिसरात दुपारनंतर आकाश काळ्याकुट्ट ढगांनी भरून आले होते. त्यानंतर सायंकाळी सातला विजांच्या कडकडाट आणि ढगांच्या गडगडाटासह मध्यम व तुरळक पावसाला सुरुवात झाली. रात्री आठपर्यंत पाऊस सुरू होता.
मागील काही दिवसांपासून पडलेल्या तीव्र उन्हामुळे शेतातील मका, सोयाबीनसह इतर पिके करपण्याच्या मार्गावर होती. पिकांना परतीच्या पावसाची नितांत गरज असल्याने शेतकर्‍यांच्या नजरा आकाशाकडे लागल्या होत्या. या मध्यम पावसामुळे सध्यातरी शेतकर्‍यांचा जीव भांड्यात पडला असला,तरी पिकांच्या पूर्ण वाढीसाठी व सिंचनासाठी अद्यापही जोरदार पावसाची प्रतीक्षा आहे. वणीसह सप्तशृंगगडावर सायंकाळी पाचच्या सुमारास 15 ते 20 मिनिटे पावसाने हजेरी लावली.

Retreating monsoon rains in Abhona

Leave a Reply

Your email address will not be published. Required fields are marked *