निमा व कौशल्य विभागातर्फे आज महिलांसाठी स्वयंरोजगार कार्यशाळा

नाशिक: प्रतिनिधी

निमा,जिल्हा कौशल्य विभाग आणि रोजगार मार्गदर्शन केंद्र यांच्या संयुक्त विद्यमाने सोमवारी(दि.3 एप्रिल)ला निमा हाऊस येथे दुपारी 2 वाजता खास महिलांसाठी नाविन्यता जनजागृती अंतर्गत स्टार्टअप,स्टँडअप आणि उद्योजकता विषयक कार्यशाळा आयोजित करण्यात आले आहे.

नाशिक महानगरातील महिलांना रोजगार व स्वयंरोजगार उपलब्ध करून देऊन त्यांना आत्मनिर्भर आणि आर्थिकदृष्ट्या सक्षम बनविणे हा या कार्यशाळेचा मुख्य उद्देश आहे. जास्तीतजास्त गरजू महिलांनी या कार्यशाळेत सहभागी व्हावे,असे आवाहन जिल्हा कौशल्य विभागाच्या सहसंचालक श्रीमती अनिसा तडवी, निमाचे अध्यक्ष धनंजय बेळे, कौशल्य विकास च्या सहआयुक्त अमिषा तडवी, वुमन चेंबर ऑफ इंडियाच्या वृंदा रावल व शेफाली शर्मा,

जनशिक्षण संस्थेचे पदाधिकारी आणि स्टार्टअप इंडियाचे मेंटॉर श्रीकांत पाटील यांनी केले.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.