Categories: महाराष्ट्र

शरद पवार – उद्धव ठाकरे यांच्यात दोन तास खलबते

मुंबई : राज्यातील सुरू असलेल्या पेचप्रसंगावर मुख्यमंत्री उद्धव ठाकरे आणि राष्ट्रवादीचे अध्यक्ष शरद पवार यांच्यामध्ये बैठक झाली . या बैठकीत शिवसेनेने आता रस्त्यावरची लढाई सुरू करावी , यावर एकमत झाल्याचं समजतंय . तसेच १६ आमदारांवर कारवाई सुरू करण्यात यावी , असंही ठरल्याचं समोर येत आहे . या बैठकीमध्ये अजित पवार , जयंत पाटील , अनिल देसाई , संजय राऊत उपस्थित असल्याची माहिती आहे . या बैठकीनंतर आता उद्धव ठाकरे शिवसेनेच्या खासदारांसोबत बैठक घेणार आहेत . एकनाथ शिंदेंच्या सोबत असलेल्या बंडखोर आमदारांवर दबाव निर्माण करण्यासाठी शिवसेनेने आता रस्त्यावर उतरावं , रस्त्यावरची लढाई सुरू करावी , असं या बैठकीत ठरल्याचं समजतंय . तसेच यामध्ये जास्तीत जास्त वेळकाढूपणा करावा , जेणेकरून शिंदे गटातील आमदारांवर अतिरिक्त दबाव तयार होईल , असंही ठरलं आहे .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.