उन्हाळ्यात आंब्याचा हंगाम सुरू असताना आंब्यासोबत मासे, अंडी किंवा इतर मांसाहारी पदार्थ खाणे योग्य की अयोग्य, याबाबत अनेक समज-गैरसमज समाजात प्रचलित आहेत. आयुर्वेद आणि निसर्गोपचार पद्धतीनुसार काही खाद्यपदार्थांचे संयोजन शरीरासाठी प्रतिकूल मानले जाते. अशाच संयोजनात आंबा आणि मांसाहारी पदार्थांचा समावेश केला जातो.
आंबा आणि मासे किंवा अंडी एकत्र अथवा लगेच एकापाठोपाठ खाणे टाळावे. या पदार्थांचे गुणधर्म आणि पचनाचा वेग वेगळा असल्याने काही व्यक्तींमध्ये अपचन, अॅसिडिटी, पोट फुगणे, उलटी-जुलाब किंवा त्वचेच्या अॅलर्जीचा त्रास होऊ शकतो.
आयुर्वेदानुसार आंबा गोड आणि तुलनेने जड मानला जातो, तर मासे आणि अंडी हे प्रथिनयुक्त व पचायला वेळ घेणारे पदार्थ आहेत. त्यामुळे दोन्हींचे एकत्र सेवन शरीरातील पित्तदोष वाढवू शकते, असे मत व्यक्त केले जाते. विशेषतः पचनशक्ती कमी असणे, अन्न ताजे नसणे किंवा आधीपासून अॅलर्जीची समस्या असल्यास त्रास वाढू शकतो.
तज्ज्ञांच्या मते, आंबा खायचा असल्यास मांसाहारी जेवणाच्या किमान 3 ते 6 तास आधी किंवा 2 ते 3 तास नंतर खाणे अधिक योग्य ठरू शकते. तसेच फळे स्वतंत्रपणे खाणे पचनसंस्थेसाठी फायदेशीर मानले जाते. आंबा आणि मासे किंवा अंडी यांचे एकत्र सेवन आयुर्वेदिक दृष्टीने टाळणे हितावह आहे. प्रत्येकाची पचनशक्ती वेगळी असली तरी संतुलित आहार आणि योग्य वेळेचे अंतर ठेवणे आरोग्यासाठी चांगले ठरते.
Should you avoid eating fish or eggs with mango? Contraindications in Ayurveda