वन्य प्राण्याच्या अवयवांची तस्करी रोखली

तस्करी करणारे तिघे महाविद्यालयीन विद्यार्थी

नाशिक : प्रतिनिधी

नाशिक पश्चिम वनविभागाच्या अधिकाऱ्यांनी

वन्य प्राण्यांच्या अवयवांची तस्करी करणार्‍या तिघा महाविद्यालयीन युवकांना ताब्यात घेत अटक करत

वन्य तस्करी उधळून लावली आहे.मंगळवारी सायंकाळी वनविभागाने बनावट ग्राहक पाठवून सापळा रचून हा परकार उघडकीस आणला.

मुख् वनसंरक्षक प्रादेशिक, उपवनसंरक्षक पश्चिम भाग नाशिक, सहाय्यक वनसंरक्षक पश्चिम भाग नाशिक यांच्या मार्गदर्शनाखाली नाशिक वनपरिक्षेत्र अधिकारी विवेक भदाणे आणि त्यांच्या यांच्या पथकाने केली.

कार्यालयाच्या विशेष वन पथकाने ही कारवाई केली आहे.

या कारवाईत बिबट वन्यप्राण्याची कातडी संख्या – १, चिंकाराचे शिंगे संख्या – २, निलगायीचे शिंगे संख्या २ तसेच ४ मोबाईल संशयितांच्या ताब्यातुन – हस्तगत केले आहेत. याप्रकरणी तिघा संशयितांवर भारतीय वन्यजीव संरक्षण कायदा १९७२ अन्वये गुन्हा दाखल करण्याचे काम सुरू आहे.

दरम्यान याबाबत माहिती अशी की, वनविभागाच्या अधिकाऱ्यांना मिळालेल्या गोपनिय माहितीच्या आधारे वन अधिकारी व कर्मचाऱ्यांनी बनावट ग्राहक बनुन तस्करी करणाऱ्या संशयितांशी संपर्क साधुन मंगळवारी संध्याकाळी ६.३० वाजता सापळा रचला. शहराचा उच्चभ्रु परिसर ओळखला जाणाऱ्या कृषी नगर जॉगिंग ट्रॅक जवळील सायकल सर्कल येथे तीन संशयित तरुणांना वन्यजीवांच्या अवयवांची विक्री करतांना रंगेहात पकडले. संशयित आरोपींमध्ये तिघेही महाविद्यालयीन विद्यार्थी असल्याचे प्रथमदर्शनी तपासात पुढे आले आहे. या संशयित आरोपीच्या साखळीतील आणखी काही साथीदार असण्याची शक्यता नाकारता येत नाही. या प्रकरणी अधिक तपास सुरू केला आहे.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.