ग्राहक बनून अधिकार्याची नांदूरनाका परिसरात कारवाई
नाशिक : प्रतिनिधी
जिल्ह्यात बोगस बियाणे, कीटकनाशके विक्री करणारी टोळी सक्रिय असून, छुप्या पद्धतीने शेतकर्यांना कमी किमतीचे आमिष दाखवून फसवणूक केली जात आहे. अशा संशयितांच्या मुसक्या आवळण्याचे काम भरारी पथक करत आहे. जिल्हा गुणवत्ता नियंत्रण अधिकारी डॉ. जगन सूर्यवंशी यांनी स्वत: ग्राहक बनून बनावट कीटकनाशकाची विक्री करणार्या संशयिताला भरारी पथकासह पोलिसांंच्या मदतीने ताब्यात घेत कारवाई केली. यावेळी संशयित किशोर एकनाथ ठाकूरकडून सात लाखांचे बनावट कीटकनाशक जप्त केले. संशयितावर कीटकनाशक कायदा व कीटकनाशक नियम तसेच पर्यावरण संरक्षण कायद्यान्वये गुन्हा दाखल करण्यात आला.
राज्याचे गुणवत्ता नियंत्रण संचालक सुनील बोरकर, मुख्य गुणवत्ता नियंत्रण अधिकारी प्रवीण देशमुख, विभागीय कृषी सहसंचालक सुभाष काटकर, जिल्हा अधीक्षक कृषी अधिकारी अभिमन्यू काशीद, नाशिक यांच्या मार्गदर्शनाखाली जिल्हयाच्या भरारी पथकाने कारवाई केली. आंबा व केळी पिकाला वापरले जाणारे प्लांट ग्रोथ रेगुलेटरचा बिगर नोंदणीकृत किटकनाशक साठा जप्त केला. याबाबत माहिती अशी की, संशयित किशोर ठाकूर विनापरवाना किटकनाशकांची विक्री करत असल्याची माहीती जिल्हा गुणवत्ता नियंत्रण अधिकारी डॉ.जगन सूर्यवंशी यांना मिळाली. त्यानंतर डॉ. सूर्यवंशी स्वतः बनावट ग्राहक बनून संशयीत ठाकूर कडे शंभर लिटर पॅक्लोब्युट्रेझॉल या बिगर नोंदणीकृत किटकनाशकाची मागणी केली. संशयिताने त्यांना सदर किटकनाशक देणार असल्याचे सांगून नांदूर नाका ते जत्रा हॉटेल लिंक रोडवर (एमएच 15 एच यु 3511) या वाहनामधून डिलिव्हरी देत असताना त्याचवेळी कृषी विभागाच्या भरारी पथकाने छापा टाकून मुद्देमाल जप्त केला. यावेळी कृषी विकास अधिकारी संजय शेवाळे, कृषी अधिकारी राहुल अहिरे यांच्यासमवेत पोलीस हवालदार डी.आर पाटील व गोसावी यांच्या पथकाने केली. जिल्हा गुणवत्ता नियंत्रण निरीक्षक डॉ.जगन सूर्यवंशी यांनी किटकनाशक कायदा व किटकनाशक नियम तसेच पर्यावरण संरक्षण कायदा अन्वये संशयित किशोर ठाकूर यांच्या विरोधात आडगाव पोलीस ठाण्यात गुन्हा दाखल केला. पुढील तपास पोलीस उपनिरीक्षक निकम करत आहेत.
जिल्ह्यासह विभागातील शेतकरी बांधवांनी परवानाधारक विक्रेत्याकडूनच कृषी निविष्ठांची खरेदी करावी. तसेच विनापरवाना कृषी निविष्ठा विक्री करणार्यांंची नावे भरारी पथकाच्या सदस्यांना द्यावी.
-सुभाष काटकर, कृषी सहसंचालक
अशोकनगरमध्ये १६ वर्षीय मुलाचा संशयास्पद मृत्यू, परिसरात खळबळ सिडको/ सातपूर: प्रतिनिधी : सातपूरच्या अशोकनगर परिसरात…
तिघांना अटक; घटना सीसीटीव्हीत कैद मालेगाव : प्रतिनिधी शहरातील जुना आग्रारोडवरील नानावटी पेट्रोलपंपाजवळ एका तरुणाची…
श्यामची आई उत्कृष्ट सिनेमा; शाहरूख खान, राणी मुखर्जीलाही पुरस्कार नवी दिल्ली : भारतातील राष्ट्रीय पुरस्कारांची…
डॉ. नीलम रहाळकर यांचे रविवारी 'अरंगेत्रम्'; वैद्यकीय व्यवसाय सांभाळत जोपासली नृत्यसाधना नाशिक - विशेष प्रतिनिधी…
कळवण येथील भूमिअभिलेखचा लिपिक लाच घेताना रंगेहाथ नाशिक: प्रतिनिधी मोजणी केलेल्या जमिनीचा अहवाल देण्याच्या मोबडल्यात…
मुंबई: विधिमंडळात ऑनलाईन रमी खेळल्यामुळे वादाच्या भोवऱ्यात अडकलेलं कृषिमंत्री माणिकराव कोकाटे यांच्या खात्यात बदल करण्यात…