पुरोहित संघाचे पोलीस आयुक्तांना निवेदन
पंचवटी : प्रतिनिधी
शहर आणि परिसरात रंगपंचमीचा उत्साह असताना दुसरीकडे गोदावरी नदीतील रामकुंड व परिसरात रंगपंचमी साजरी करणार्या युवकांनी मात्र चपला फेकून अतिशय निंदनीय कृत्य केले आहे. त्याचा समाजमाध्यमांवर व्हिडिओ व्हायरल झाला आहे. याबाबत श्री गंगा गोदावरी पंचकोठी पुरोहित संघाच्या वतीने तीव्र निषेध करत पोलीस आयुक्त संदीप कर्णिक यांना निवेदन दिले. गोदावरी रामकुंडात चप्पलफेक करणार्यांविरोधात कारवाई करावी, अशी मागणी पुरोहित संघाचे अध्यक्ष व विश्वस्त चंद्रशेखर पंचाक्षरी व अध्यक्ष सिंहस्थ समिती व प्रमुख विश्वस्त सतीश शुक्ल यांनी केली आहे.
रविवारी, दि. 8 रोजी पार पडलेल्या रंगपंचमी उत्सवानिमित्त शहरातील नागरिकांनी रंगपंचमीचा आनंद रामकुंड येथे घेतला. पण तो घेत असताना त्यांनी अतिशय अशोभनीय कृत्य केले, ज्या ठिकाणी आपण आपल्या गोदावरी नदीचा आई म्हणून उल्लेख करतो, रोजचे अस्थिविसर्जन, पिंडदान, श्राद्धादी कर्म, आपल्या पूर्वजांना मोक्ष मिळण्यासाठी देशभरातून भाविक येत असतात.
दर बारा वर्षांनी होणारा कुंभमेळा, देवाधिदेव महादेव कपालेश्वराची नित्य पालखी पूजा होत असते, अशा पवित्र आणि धार्मिक ठिकाणी गोदावरीच्या रामकुंडामध्ये चप्पल फेकून अतिशय घाणेरडे आणि निंदनीय कृत्य केले आहे. तसेच याठिकाणी गंगा गोदावरी पंचकोठी पुरोहित संघाच्या तसेच समस्त नाशिककरांच्या धार्मिक भावना दुखावल्या गेल्या आहेत.
गंगा गोदावरी पंचकोठी पुरोहित संघाने या गोष्टीचा जाहीर निषेध केला आहे.
त्याचबरोबर संबंधित दोषी नागरिकांवर योग्य ती कायदेशीर कारवाई करावी, अशी मागणीदेखील केली आहे. या घटनेचा समाजमाध्यमांवर व्हिडिओ व्हायरल झाला असून, तो पाहून कारवाई करावी, अशी मागणी केली आहे.
पोलिसांनी कठोर कारवाई करावी
रामकुंड येथे घडलेली घटना अत्यंत संतापजनक आहे. श्री गोदावरी नदीला आपण आईचा दर्जा दिला आहे. महिला दिनाच्या दिवशी कुंडात चप्पल फेकून आईरूपी नदीच्या पवित्रतेचा अपमान करणार्यांविरुद्ध तत्काळ चौकशी करून संबंधित व्यक्तींवर फौजदारी गुन्हे दाखल करण्यात यावेत. नाशिककरांच्या धार्मिक भावना दुखावल्या गेल्या असून, नाशिक जिल्हा कायद्याचा बालेकिल्ला या सूत्रानुसार प्रशासनाने कठोर कारवाई करावी. – देवांग जानी, गोदाप्रेमी
Take action against those throwing slippers in the Godavari Ramkund area.
लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…
कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…
सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…
अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…
महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…