नाशिक

पंचवटीत काळ्या कोयत्याची दहशत

भरबाजारात तरुणाला लुटले, रोकडसह दुचाकी पळवली

पंचवटी : प्रतिनिधी
सिंहस्थनगरीतील गोदाकाठ पुन्हा एकदा गुन्हेगारांच्या दहशतीने हादरला आहे. पंचवटीतील मंगळ ग्रह मंदिर परिसरात ’मी या परिसराचा भाई आहे, माझ्या नादी लागला तर जिवंत मारून टाकेन’ अशी ओरडून दहशत माजवत, संशयितांनी एका तरुणाला कोयत्याचा धाक दाखवून लुटल्याची धक्कादायक घटना घडली आहे. याप्रकरणी पंचवटी पोलीस ठाण्यात चौघांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी दुर्गेश सुरेश वाघमारे (22, रा. कालिकानगर, पंचवटी) हा तरुण बुधवारी (दि. 11) रात्री साडेनऊच्या सुमारास आपला लहान भाऊ रोहित आणि मित्र ओम पवार यांच्यासोबत मंगळ ग्रह मंदिरासमोरील पटांगणात उभा होता. यावेळी दोन दुचाकींवरून आलेल्या चौघांनी त्यांना गाठले. संशयित विकी जाधव ऊर्फ काळ्या कोयत्या आणि सौरभ ऊर्फ सॅमसंग पोतदार यांनी आपल्या दोन अनोळखी साथीदारांसह फिर्यादीला शिवीगाळ करत मारहाण करण्यास सुरुवात केली. यावेळी काळ्या कोयत्याने हातातील धारदार कोयता हवेत नाचवत, ‘मी या भागाचा भाई आहे,‘ असे ओरडून तेथे उपस्थित नागरिकांमध्ये दहशत निर्माण केली. गर्दीच्या दिशेने धावून जात त्याने सर्वांना धमकावले.दहशत माजवल्यानंतर संशयितांनी फिर्यादी दुर्गेश याच्या खिशातील 1900 रुपयांची रोकड आणि त्याची अ‍ॅक्टिव्हा दुचाकी बळजबरीने हिसकावून घेत घटनास्थळावरून पोबारा केला. या घटनेमुळे परिसरात काही काळ भीतीचे वातावरण पसरले होते. याप्रकरणी पंचवटी पोलिसांनी गुन्हा दाखल केला आहे. वरिष्ठ पोलीस निरीक्षक पाटील यांच्या मार्गदर्शनाखाली पोलीस उपनिरीक्षक पंकज सोनवणे या गुन्ह्याचा पुढील तपास करत आहेत.

रेकॉर्डवरील सराईत गुन्हेगार

विकी जाधव ऊर्फ काळ्या कोयत्या, तसेच सौरभ ऊर्फ सॅमसंग पोतदार हे दोघेही रेकॉर्डवरील सराईत गुन्हेगार आहेत. काळ्या कोयत्याविरुद्ध यापूर्वी खून, खुनाचा प्रयत्न, प्राणघातक हल्ला, दरोड्याची तयारी, घरफोडी, चोरी, अपहरण यांसारख्या गंभीर गुन्ह्यांची नोंद आहे. सॅमसंगविरुद्धही गुन्ह्यांची नोंद आहे. त्यास 30 डिसेंबर 2025 पासून शहरातून दोन वर्षांसाठी हद्दपार करण्यात आले होते. या आदेशाचे उल्लंघन करून तो शहरात गुन्हे करत असल्याचे समोर आले आहे.

Terror of black scythe in Panchavati

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

17 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

17 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

18 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

18 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

18 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

18 hours ago