मोस्ट वॉन्टेड सोन्या धात्रक अखेर गजाआड

खंडणीविरोधी पथकाची कामगिरी

सिडको : विशेष प्रतिनिधी
नाशिक शहरातील गंभीर गुन्ह्यांमध्ये सक्रिय असलेल्या मोस्ट वॉन्टेड धात्रक टोळीच्या म्होरक्याला खंडणीविरोधी पथकाने अटक केली आहे. सुनील उर्फ सोन्या बाबूराव धात्रक (वय 27, व्यवसाय – मजुरी, रा. सृष्टी सोसायटी, इरीगेशन कॉलनी, मखमलाबाद, नाशिक) याला शुक्रवारी ( 20 जून 2025 रोजी) सायंकाळीच्या सुमारास शिंदे गाव, नायगाव रोड परिसरातून ताब्यात घेण्यात आले.
पोलीस आयुक्त संदीप कर्णिक यांनी गुन्हेगारीला आळा घालण्यासाठी खंडणी विरोधी पथकाची स्थापना करून कठोर कारवाईचे आदेश दिले होते. या आदेशाच्या अनुषंगाने पथकातील पोलीस उपनिरीक्षक दत्तात्रय चकोर यांना सोन्या धात्रक नाशिकमध्ये येणार असल्याची खात्रीशीर माहिती मिळाल्यानंतर विविध ठिकाणी सापळा लावण्यात आला होता.
सोन्या धात्रक हा म्हसरूळ पोलीस ठाण्यात दाखल असलेल्या गुन्ह्यात पाहीजे होता. त्याला अटक करून पुढील कारवाईसाठी म्हसरूळ पोलीस ठाण्याच्या ताब्यात देण्यात आले आहे. संशयित अरोपी सुनिल धात्रकवर यापूर्वीही अनेक गंभीर गुन्ह्यांची नोंद आहे ही कारवाई गंगापूर पोलिस ठाण्याचे वरिष्ठ पोलिस निरीक्षक जग्वेंद्रसिंग राजपूत यांच्या मार्गदर्शनाखाली पोउनि दिलीप भोई, पोहवा योगेश चव्हाण, दत्तात्रय चकोर, पोना रविंद्र दिघे, भूषण सोनवणे, मंगेश जगझाप, पोअं. चारूदत्त निकम, भगवान जाधव, मंगला जगताप व सविता कदम यांनी पार पाडली.