तीन ट्रेनची एकमेकांना धडक;अपघातातील मृतांची संख्या 233 वर

900 प्रवासी जखमी मदतकार्य अजूनही सुरू

ओडिशा:
ओडिशातील बालसोर येथे तीन ट्रेनची एकमेकांना धडक बसल्याने अपघात झाला. यात हावडा एक्सप्रेस,कोरोमांडल एक्सप्रेस आणि मालगाडीची एकमेकांना धडक बसली.पहिल्यांदा हावडा एक्सप्रेस मालगाडीला धडकली.त्यानंतर मालगाडी कोरोमांडलला एक्स्प्रेसला जाऊन धडकली.

हा अपघात काल शुक्रवार (दि.२ रोजी) संध्याकाळी 6 वाजून 51 मिनिटांनी रेल्वेचा मोठा अपघात झाला आहे. देशातील हा आजवरचा सर्वात मोठा अपघात आहे. बहनागा स्टेशनजवळ कोरोमंडल एक्सप्रेस आणि मालगाडीची एकमेकांना धडक बसली. ही धडक इतकी जोरदार होती की ट्रेनचे अनेक डब्बे मालगाडीवर चढले. सात डब्बे पलटी झाले. चार डब्बे रेल्वे बाँड्रीच्या बाहेर गेले. एकूण 15 डब्बे पटरीच्या बाहेर होते. या दुर्देवी आणि भयंकर अपघातातील मृतांची संख्या 233 वर पोहोचली आहे. तसेच अपघातात आतापर्यंत 900 प्रवासी जखमी झाले आहेत. एनडीआरएफच्या टीमकडून बचावकार्य सुरू आहे.

सध्या या रुटच्या सर्व ट्रेन रद्द करण्यात आल्या आहेत. या अपघातातील मृतांच्या कुटुंबीयांना 10 लाखाच्या मदतीची घोषणा करण्यात आली आहे. तसेच गंभीर जखमींसाठी दोन लाख आणि किरकोळ जखमींसाठी 50 हजाराच्या भरपाईची घोषणा करण्यात आली आहे.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.