जबरदस्तीने साखरपुडा करणार्या महिला मांत्रिकास अटक
नाशिक : प्रतिनिधी
आजारपण व संकटमुक्तीचे आमिष दाखवून एका गरीब महिला मजुराकडून अघोरी पूजेच्या नावाखाली एक लाख 60 हजार रुपये उकळल्याचा आणि तिच्या 21 वर्षांच्या मुलीचा स्वतःच्या मुलाशी बळजबरीने साखरपुडा उरकल्याचा प्रकार उघडकीस आला आहे. याप्रकरणी धुळे शहर पोलिसांनी महाराष्ट्र अंधश्रद्धा निर्मूलन समितीच्या (अंनिस) मदतीने नाशिकच्या संशयित महिला मांत्रिक सरिता मनोज जाधव व तिच्या साथीदारांना बेड्या ठोकल्या आहेत.
धुळे येथील एका आजारी मजूर महिलेची ओळख दोन मैत्रिणींमार्फत नाशिकच्या सरिता जाधव या मांत्रिकाशी झाली. मांत्रिकेने अंगावरून लिंबू फिरवून राखमिश्रित पाणी पाजले आणि स्मशानातील पूजेच्या नावाखाली पीडितेकडून सुरुवातीला एक लाख 30 हजार रुपये रोख घेतले. त्यानंतर 14 जुलै 2026 रोजी नाशिकच्या गोदाघाटावरील केवडीबन येथे पीडितेच्या डोळ्यात लिंबाचा रस पिळून अघोरी विधी केला व मुंबई नाका येथील घरी नेत आणखी 30 हजार रुपये उकळले.
घरातील संकट टळेल अशी भीती दाखवून मांत्रिकेने पीडितेच्या मुलीला धुळ्यातील एका मैत्रिणीकडे 40 दिवस वेगळे ठेवले आणि 24 जुलै 2026 रोजी तिचा साखरपुडा स्वतःचा मुलगा गणेश मनोज जाधव याच्याशी जबरदस्तीने करून घेतला. फसवणूक झाल्याचे लक्षात आल्यावर पीडितेने ‘अंनिस’चे रणजित शिंदे, नवल ठाकरे, भूषण पाटील व नितीन बागूल यांच्याशी संपर्क साधला. त्यांच्या सहकार्याने 27 सप्टेंबर 2026 रोजी धुळे शहर पोलीस ठाण्यात जादूटोणाविरोधी कायद्यान्वये गुन्हा दाखल झाला.
धुळे पोलिसांनी नाशिकमधून आरोपींना अटक केली आहे. पोलीस निरीक्षक हेमंतकुमार भामरे पुढील तपास करत आहेत.
1.6 lakh boiled for Aghori ritual
लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…
कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…
सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…
अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…
महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…