दहावी बारावी पुरवणी परीक्षेचा निकाल उद्या

इयत्ता दहावी बारावी पुरवणी परीक्षेचा निकाल उद्या
नाशिक ः प्रतिनिधी
महाराष्ट्र राज्य माध्यमिक व उच्च माध्यमिक शिक्षण मंडळ , जुलै – ऑगस्ट 2022 मध्ये घेण्यात आलेल्या माध्यमिक शालान्त प्रमाणपत्र ( इ . 10 वी ) व उच्च माध्यमिक प्रमाणपत्र ( इ . 12 वी ) पुरवणी परीक्षेचा ऑनलाईन निकाल www.mahresult.nic.in या संकेतस्थळावर शुक्रवार , दि . 02 दुपारी 01.00 वाजता जाहीर करण्यात येणार आहे .

महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे , नागपूर , औरंगाबाद , मुंबई , कोल्हापूर , अमरावती , नाशिक , लातूर व कोकण या नऊ विभागीय मंडळांमार्फत माध्यमिक शालान्त प्रमाणपत्र ( इ .10 वी ) पुरवणी परीक्षा दि. 27 जुलै ते 12 ऑगस्ट व उच्च माध्यमिक प्रमाणपत्र ( इ . 12 वी ) ची पुरवणी परीक्षा दि. 21 जुलै , ते 24 ऑगस्ट , या कालावधीत आयोजित करण्यात आली होती .
सदर परीक्षेचा निकाल जाहीर करण्यात येत असून महाराष्ट्र राज्य माध्यमिक व उच्च माध्यमिक शिक्षण मंडळाच्या नऊ विभागीय मंडळांमार्फत जुलै – ऑगस्ट 2022 मध्ये घेण्यात आलेल्या माध्यमिक शालान्त प्रमाणपत्र ( इ .10 वी ) व उच्च माध्यमिक प्रमाणपत्र ( इ . 12 वी ) पुरवणी परीक्षेचा ऑनलाईन निकालwww.mahresult.nic.in या संकेतस्थळावर शुक्रवार , दि . 02 / 0 9 / 2022 रोजी दुपारी 01.00 वाजता जाहीर करण्यात येत आहे .
या संकेतस्थळावर विद्यार्थ्यांचे विषयनिहाय गुण उपलब्ध होतील व सदर माहितीची प्रत ( प्रिंट आउट ) घेता येईल .

Devyani Sonar

देवयानी सोनार या 2018 पासून पत्रकारितेत कार्यरत आहेत. दैनिक पुढारी मधून त्यांनी पत्रकारिता सुरू केली, सध्या त्या दैनिक गांवकरी मध्ये उपसंपादक तसेच ऑनलाइन कंटेंट क्रीएटर म्हणून कार्यरत आहेत. आरोग्य, शैक्षणिक तसेच जिल्हा परिषद , सामाजिक विषयावर त्यांनी विपुल लेखन केलेले आहे. बीकॉम तसेच एम ए अर्थ शास्त्र यात पदयुत्तर पदवी मिळवली आहे. पत्रकारितेत अनेक पुरस्कार त्यांना मिळालेले आहेत.