सुचितानगरला घरफोडीत 36 लाख लंपास

सिडको : विशेष प्रतिनिधी
येथील सुचितानगर परिसरातील बंद फ्लॅटचा कडी-कोयंडा तोडून चोरट्यांनी सोने, चांदी, हिर्‍यांचे दागिने आणि रोकड असा सुमारे 36 लाख 50 हजारांंचा ऐवज लंपास केल्याची घटना उघडकीस आली आहे. याप्रकरणी मुंबई नाका पोलिस ठाण्यात घरफोडीचा गुन्हा दाखल करण्यात आला आहे.
पोलिसांनी दिलेल्या माहितीनुसार, इंद्रपालसिंग प्रीतमसिंग भामरे (वय 58, रा. सुचितानगर) यांच्या दीपहंस अपार्टमेंटमधील फ्लॅटमध्ये ही चोरी झाली. दुपारपासून दुसर्‍या दिवशी सकाळपर्यंतच्या कालावधीत चोरट्यांनी घराच्या दरवाजाचा कडी-कोयंडा तोडून घरात प्रवेश केला. त्यानंतर कपाटातील सोन्याची नाणी, सोन्याचे कडे, चेन, नथ, चांदीची नाणी, वाट्या, पायल, बिछवे तसेच हिर्‍यांच्या अंगठ्या आणि पेंडण, असा मौल्यवान ऐवज चोरून नेला.
याशिवाय घरातील मोठी रोख रक्कमही चोरट्यांनी लंपास केली. चोरीस गेलेल्या ऐवजाची एकूण किंमत सुमारे 36 लाख 60 हजार रुपये असल्याचे फिर्यादीत नमूद करण्यात आले आहे. याप्रकरणी मुंबई नाका पोलिस ठाण्यात गुन्हा दाखल करण्यात आला. पुढील तपास पोलिस निरीक्षक पी. आर. पवार करीत आहेत.

36 lakhs looted in Suchitanagar house burglary

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.