नाशिक

रमजाननिमित्त मालेगावच्या रंगीत सुत्तरफेणीची मोठी आवक

जुने नाशिक : वार्ताहर
पवित्र रमजानपर्वास सुरुवात झाली असून, शहर परिसरातील मुस्लिमबांधव मोठ्या प्रमाणावर रमजानचे निर्जळी उपवास करीत आहेत. उपवास धरताना पहाटे सहेरी करून सायंकाळी सूर्यास्तावेळी इफ्तारी करण्याची पद्धत आहे. दरम्यान, सहेरी व इफ्तारीचे खाद्यपदार्थ विक्रीची अनेक दुकाने संपूर्ण परिसरात थाटण्यात आली आहेत.
याशिवाय येथील बाजारपेठेत मालेगावची विविध प्रकारची रंगीत सुत्तरफेणी, सौदी अरेबियातील विविध प्रकारचा खजूर, अहमदाबाद येथील शेवया, मुंबईतील फेमस फालुदा तसेच चिकन कबाब, मटण कबाब, सीग कबाब, चिकन मटण समोसे, चिकन काढी कबाब, पालक भजी, खमण यांसारख्या खाद्यपदार्थांची मोठ्या प्रमाणावर दुकाने थाटण्यात आली आहेत.
दरम्यान काल (दि.22) सायंकाळी रमजान पर्वातील चार उपवास पूर्ण झाले. रमजाननिमित्त दूध बाजार, महात्मा फुले मार्केट, मौला बाबा तालीम, कादर मार्केट, दादासाहेब फाळके रोड, चौक मंडई, सारडा सर्कल, बागवानपुरा, कथडा, मुलतानपुरा, बडी दर्गाह, वडाळा रोडवरील आयेशा मशीद परिसर आदी भागांत मोठ्या प्रमाणावर तात्पुरते बाजार भरले आहेत. परंपरेप्रमाणे दूध बाजार ते फुले मार्केट परिसर येथे रमजानचा विशेष बाजार सजला असल्याने हा रस्ता दररोज संध्याकाळी वाहनांसाठी बंद केला जात आहे. या भागात सर्वधर्मीय व्यापार्‍यांनी विविध खाद्यपदार्थांची दुकाने थाटली आहेत. रमजानचे मिळणारे विशेष खाद्यपदार्थ घेण्यासाठीदेखील सर्वधर्मीय ग्राहक येथे पाहायला मिळत आहेत. सुत्तरफेणीच्या दरात यावर्षी थोडीफार वाढ झाली असून, यावर्षी दीडशे रुपये किलो दराने ती विकली जात असल्याची माहिती दूध बाजारातील मखदुम ड्रायफ्रूटचे संचालक हाजी युनूस तांबोळी यांनी दिली.

A large influx of colorful Suttarfeni from Malegaon on the occasion of Ramadan

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

17 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

17 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

18 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

18 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

18 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

18 hours ago