नाशिक

परसूलजवळ पुलाखाली हात-पाय बांधलेला मृतदेह

कमरेला डंबेल्स अन् तोंड बांधलेली अवस्था

चांदवड : वार्ताहर
चांदवड-निफाड मार्गावरील परसूल शिवारात रविवारी सकाळी अज्ञात पुरुषाचा मृतदेह संशयास्पद स्थितीत आढळून आल्याने जिल्ह्यात खळबळ उडाली आहे. मृताचे हात-पाय नायलॉनच्या दोरीने बांधलेले असून, मृतदेह पाण्यात बुडालेला राहावा, या हेतूने त्याच्या कमरेला 30 किलो वजनाचे लोखंडी डंबेल्स बांधलेले आढळले आहेत. हा प्रकार घातपाताचा असल्याचा प्राथमिक अंदाज पोलिसांनी व्यक्त केला आहे.
मिळालेल्या माहितीनुसार, रविवारी (दि. 22) सकाळी 9 वाजेच्या सुमारास परसूल-चिंचोली नदीच्या पुलाखाली एका अज्ञात व्यक्तीचा मृतदेह पाण्यावर तरंगताना स्थानिक नागरिकांना दिसला. परसूल येथील पोलीसपाटील सोनाली विजय सोनवणे यांनी तत्काळ या घटनेची माहिती चांदवड पोलीस ठाण्याला दिली. माहिती मिळताच पोलिसांनी घटनास्थळी धाव घेऊन स्थानिक नागरिकांच्या मदतीने मृतदेह पाण्याबाहेर काढला.
मृतदेह बाहेर काढल्यानंतर पोलिसांना धक्कादायक दृश्य पाहायला मिळाले. मयताचे दोन्ही हात नायलॉनच्या दोरीने एकमेकांना आणि मांडीला घट्ट बांधलेले होते. तसेच, मृतदेह पुन्हा वर येऊ नये यासाठी आरोपींनी त्याच्या कमरेला 20 ते 30 किलो वजनाचे जिममधील डंबेल्स बांधले होते. मयताचे तोंडही कापडाने बांधलेल्या अवस्थेत मिळून आले.
मयत व्यक्तीचे वय अंदाजे 35 ते 40 वर्षे आहे. त्याच्या अंगात लाल हुडी टी-शर्ट, राखाडी रंगाची ट्रॅक पँट आणि पायात 9 नंबरची पॅरेगॉन कंपनीची चप्पल आहे. पोलिसांनी सदर मृतदेह उत्तरीय तपासणीसाठी चांदवड ग्रामीण रुग्णालयात पाठवला आहे.

पोलीस तपास सुरू

या गंभीर घटनेचा तपास चांदवड पोलीस निरीक्षक कैलास वाघ यांच्या मार्गदर्शनाखाली सहाय्यक पोलीस निरीक्षक ए. बी. मोरे करत आहेत. ही हत्या पूर्ववैमनस्यातून झाली असावी किंवा पुरावा नष्ट करण्यासाठी मृतदेह येथे आणून टाकला असावा, असा संशय व्यक्त होत आहे. अद्याप मयताची ओळख पटलेली नसून, नागरिकांनी या वर्णनाच्या व्यक्तीबाबत माहिती असल्यास पोलिसांशी संपर्क साधण्याचे आवाहन करण्यात आले आहे.

Body found tied with hands and feet under bridge near Parasul

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

17 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

18 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

18 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

18 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

18 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

18 hours ago