नाशिक

टायर फुटला अन् मिक्सर एसटीवर आदळला

दातली फाट्यावर 6 जखमी; 57 प्रवासी थोडक्यात बचावले

सिन्नर : प्रतिनिधी
सिन्नर-शिर्डी महामार्गावरील दातली फाट्यावर मंगळवारी (दि.15) सायंकाळी 4.50 वाजेच्या सुमारास एसटी बस आणि टी.एम. मिक्सरची जोरदार धडक झाली. मिक्सरचा टायर अचानक फुटल्याने चालकाचे नियंत्रण सुटले. मिक्सर दुभाजकातील गॅपमधून विरुद्ध दिशेने जात समोरून येणार्‍या एसटी बसवर आदळला. या अपघातात सहा प्रवासी किरकोळ जखमी झाले असून, त्यात चार विद्यार्थ्यांचा समावेश आहे. बसमधील 57 प्रवासी दैव बलवत्तर म्हणून सुदैवाने बचावले.
सिन्नर आगाराची सिन्नर-सोमठाणे बस (एमएच 14 एचजी 8293) 57 प्रवाशांना घेऊन सोमठाण्याकडे जात होती. सायंकाळी 4.50च्या सुमारास दातली फाट्याजवळ समोरून सिन्नरच्या दिशेने येणार्‍या टी.एम. मिक्सरचा (एमएच 15 जेडब्ल्यू 2046) टायर फुटला. त्यामुळे चालकाचे नियंत्रण सुटून मिक्सर दुभाजकातील गॅपमधून दुसर्‍या बाजूला गेला आणि एसटी बसच्या चालकाच्या बाजूला
घासत धडकला.
अपघाताची माहिती मिळताच सिन्नर आगार व्यवस्थापक सविता काळे, वाहतूक निरीक्षक उदय सानप, एमआयडीसी पोलिस ठाण्याचे निरीक्षक सुनील बडगुजर, उपनिरीक्षक जितेंद्र पाटील यांच्यासह पोलिस व एसटी कर्मचार्‍यांनी घटनास्थळी धाव घेतली. जखमींना यशवंत हॉस्पिटलमध्ये उपचारासाठी दाखल करण्यात आले. एसटी प्रशासनाकडून जखमींना प्रत्येकी एक हजार रुपयांची तातडीची मदत देण्यात आली. आगार व्यवस्थापक सविता काळे यांनी रुग्णालयात जाऊन जखमींची भेट घेतली.
दरम्यान, आमदार माणिकराव कोकाटे आणि खासदार राजाभाऊ वाजे यांनी फोनवरून जखमींची विचारपूस केली. तर नाशिक जिल्हा मजूर फेडरेशनचे संचालक भारत कोकाटे यांनी रुग्णालयात येऊन जखमींची विचारपूस केली.

A tyre burst, and the mixer truck crashed into the ST bus.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

19 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

20 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

20 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

20 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

20 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

20 hours ago