Categories: महाराष्ट्र

येवला पंचायत समितीचा कर्मचारी लाच घेताना जाळ्यात

येवला पंचायत समितीचा कर्मचारी लाच घेताना जाळ्यात
नाशिक : प्रतिनिधी
शिक्षक दाम्पत्याचे अंतिम वेतन देयक तयार करुन देण्याच्या मोबदल्यात दोन हजारांची लाच स्वीकारताना येवला पंचायत समितीच्या शिक्षण विभागातील वरिष्ठ सहायक संजय पाटील यास लाच लुचपत प्रतिबंधक विभागाने रंगेहाथ पकडले.
तक्रारदार हे शिक्षक असून, त्यांचे वेतन देयक तयार करण्यासाठी संजय पाटील याने दोन हजारांची लाच मागीतली होती. याबाबत लाचलुचपत प्रतिबंधक विभागाकडे तक्रार करण्यात आली होती. या तक्रारीनुसार सापळा रचण्यात आला असता येवला पोस्ट ऑफिससमोर दोन हजार स्वीकारताना पाटील यास रंगेहाथ पकडण्यात आले. लाचलुुचपत प्रतिबंधक विभागाच्या अधीक्षक शर्मिष्ठा वालावलकर-घारगे, अप्पर अधीक्षक माधव रेड्डी, उपअधीक्षक नरेंद्र पवार यांच्या मार्गदर्शनाखाली पोलीस निरीक्षक साधना भोये, हवालदार चंद्रशेखर मोरे, दीपक पवार यांच्या पथकाने ही कारवाई केली.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.