माहिती पुस्तिकेचे आज अनावरण-बेळे
नाशिक:प्रतिनिधी
नाशिक आणि उत्तर महाराष्ट्रातील उद्योजक ज्याची दीर्घकाळापासून प्रतीक्षा करीत आहेत त्या *निमा पॉवर* एक्झिबिशनचे 19 ते 22 मे 2023 दरम्यान आयोजन करण्यात आले असून त्याच्या बोधचिन्ह तसेच माहिती पुस्तिकेचे अनावरण निमा हाऊस येथे सोमवारी (दि.3 एप्रिल) संपन्न होत आहे,अशी माहिती निमाचे अध्यक्ष धनंजय बेळे यांनी दिली.
यावेळी प्रमुख पाहुणे म्हणून विभागीय आयुक्त श्री राधाकृष्ण गमे,महावितरणचे मुख्य अभियंता दीपक कुमठेकर आणि विद्युत निरीक्षक भागवत उगले उपस्थित राहणार आहेत.
निमातर्फे दहा वर्षा पूर्वी 2013 साली प्रथम आवृत्ती मध्ये निमा पावर हे प्रदर्शन घेण्यात आले होते, 2016 ला झालेल्या निमा पावर प्रदर्शनानंतर,मधल्या जवळपास चार ते पाच वर्षाच्या कालखंडानंतर प्रथमच इलेक्ट्रिकल, इलेक्ट्रॉनिक्स,इन्स्ट्रुमेंटेशन,ऑटोमेशन, मेकॅटॉनिक्स, अशा विशेष विषयांकित असलेले अशा प्रकारचे प्रदर्शन व B 2 B होत असल्याने या संबंधित तसेच इतरही सर्व उत्तर महाराष्ट्रातील उद्योजकांची व सर्वसामान्य नाशिककर नागरिकांची उत्सुकता अधिक ताणली गेली आहे असे म्हटलं तर ते वावगं ठरणार नाही. 2013 मध्ये प्रथमच आयोजित केलेल्या निमा पॉवर मुळेच उत्तर महाराष्ट्राला एक आगळे वेगळे महत्व प्राप्त झाले. इलेक्ट्रिकल संबंधित उद्योगां साठी अत्यंत महत्त्वपूर्ण असलेली सीपीआरआयची टेस्टिंग लॅब नाशिकला या प्रदर्शनामुळेच मिळाली आणि नाशिककरांसाठी ही मोठी देणगीच म्हणावी लागेल.ऑटोमोबाईल हब बरोबरच, नाशिक हे इलेक्ट्रिकल हब म्हणूनही मोठ्याप्रमाणात महत्त्वपूर्ण असे हब आहे, इलेक्ट्रिक व त्या संबंधित विषयक 1000 हून अधिक कंपन्या नाशिकची शोभा वाढवित आहेत.त्यामुळेच निमा पॉवर -2023 एकप्रकारे औद्योगिक कुंभमेळाच ठरणार आहे.प्रदर्शनात विविध परदेशी गुंतवणूकदार, वेगवेगळ्या देशांचे कांस्युलेट जनरल व कमर्शियल ऑफिसर्स, विविध मल्टिनॅशनल कंपन्यांचे व इतरही नामवंत कंपन्यांचे सिओ, कमर्शियल उपाध्यक्ष, स्वतः मालक व वरिष्ठ अधिकारी तसेच प्रतिनिधीउपस्थित राहणार असून B2B मध्येही सहभागी होणार आहेत, या प्रदर्शनामुळे नाशिकच्या औद्योगिक तसेच नागरी अर्थचक्रासही गती मिळणार असल्याने सर्वानाच त्याची प्रतीक्षा असल्याचेही बेळे यांनी नमूद केले.
निमा पॉवर 23 च्या यशस्वीतेसाठी निमाचे मानद सचिव राजेंद्र अहिरे,उपाध्यक्ष किशोर राठी,आशिष नहार,खजिनदार विरल ठक्कर, सहसचिव हर्षद ब्राह्मणकर , निमा पावर कमिटी चेअरमन श्री मिलिंद राजपूत, कार्यकारणी सदस्य गोविंद झा,जयंत जोगळेकर,रवींद्र झोपे,राजेंद्र वडनेरे,वैभव जोशी, संजय सोनवणे, श्रीधर व्यवहारे ,नितीन वागस्कर,जितेंद्र आहेर,मनीष रावळ, श्रीकांत पाटील, एस.के.नायर,सुधीर बडगुजर,सुरेंद्र मिश्रा,सतीश कोठारी, दिलीप वाघ, हेमंत खोंड,रवी श्यामदासानी, विराज गडकरी, कैलास पाटील, शशांक मनेरिकर, संजय राठी, रावसाहेब रकिबे, विजय जोशी, व्यंकटेश मूर्ती, वैभव चावक, विश्वास शिंपी, पंडित ब्राह्मणकर, बाळासाहेब जाधव, आदी परिश्रम घेत आहेत.
माहिती पुस्तकाचे अनावरण कार्यक्रमास उद्योजकांनी उपस्थित राहावे असे आवाहन निमा पावर कमिटी व निमा पदाधिकाऱ्यांमार्फत करण्यात आले आहे.
*छगन भुजबळ यांनी घेतले काळाराम मंदिरात दर्शन* नाशिक: प्रतिनिधी श्रीराम नवमीच्या निमित्ताने राज्याचे माजी उपमुख्यमंत्री…
कर्जमाफी देऊ नका आणि जखमेवर मीठही चोळू नका महायुतीतील भाजपा, शिवसेना (शिंदे) आणि राष्ट्रवादी काँग्रेस…
नाशिक: प्रतिनिधी अवकाळी पावसामुळे नुकसान झालेल्या पिकांची पाहणी केल्यानंतर शेतकऱ्यांविषयी वादग्रस्त वक्तव्य करणाऱ्या कृषी मंत्री…
अंमली पदार्थ विकणार्‍यांशी कनेक्शन उघड सिडको : विशेष प्रतिनिधी नाशिक पोलीस दलात मोठा घोटाळा उघडकीस…
मुंबई: शोर, क्रांती, रोटी कपडा और मकान यासारख्या एकसे बढकर एक चित्रपटातून आपल्या अभिनयाचा ठसा…
गोदावरीचे गटारीकरण तात्काळ थांबवा गोदावरी जतन व संवर्धन संघर्ष समितीचे निवेदन नाशिक : प्रतिनिधी गोदावरीचे…