नाशिक

मनपा रुग्णालयातील खाटांची क्षमता 190 ने वाढणार

सिंहस्थाच्या पार्श्वभूमीवर नियोजन; साडेचौदा कोटींचा खर्च

नाशिक : प्रतिनिधी
सिंहस्थ कुंभमेळ्याच्या पार्श्वभूमीवर नाशिक महापालिकेच्या वैद्यकीय विभागाने शहरात होणारी गर्दी लक्षात घेता, मनपा रुग्णालयातील खाटांची संख्या वाढविण्याचा निर्णय घेतला आहे. त्यानुसार तपोवनात शंभर खाटांचे, नाशिकरोडच्या बिटको रुग्णालयात पन्नास व पंचवटीतील इंदिरा गांधी रुग्णालयात चाळीस, अशी एकूण 190 खाटांची क्षमता तीन रुग्णालयांत वाढवली जाणार आहे. यासाठी एकूण साडेचौदा कोटींचा खर्च केला जाणार आहे.
शहरात सिंहस्थ कुंभमेळ्यात तीन अमृतस्नानांदरम्यान आठ ते दहा कोटी भाविक येण्याची शक्यता आहे. शहरात होणारी गर्दी ऐन पावसाळ्याच्या दिवसांत होणार आहे. पावसाळ्यात साथीचे आजार डोके वर काढत असल्याने अशावेळी आरोग्याची कुठलीही समस्या उद्भवू नये याकरिता महापालिकेने आपल्या रुग्णालयांचे अधिक सक्षमीकरणासाठी खाटांची संख्या वाढविण्याचा निर्णय घेतला आहे. तपोवन रुग्णालयाचे काम सुरू असून, तेथे शंभर खाटांचे स्वतंत्र रुग्णालय होत असल्याने भाविकांसाठी ते अत्यंत महत्त्वाचे ठरणार आहे. यासाठी पाच कोटींचा खर्च केला जात आहे. आयसीयू व शस्त्रक्रिया कक्ष, साहित्य-उपकरणाकरिता दोन कोटी, असा एकूण सात कोटींचा खर्च एकट्या तपोवनातील रुग्णालयावर केला जात आहे.
पंचवटीतील इंदिरा गांधी रुग्णालयाची देखभाल-दुरुस्ती गुरुवारपासून सुरू करण्यात आली आहे. सध्या साठ खाटांची व्यवस्था असून, त्यात आणखी 40 खाटा वाढवून ही संख्या शंभर करण्यात आली आहे.

बिटको रुग्णालयात जळीत कक्ष
बिटको रुग्णालयातील खाटांची संख्या अडीचशे होणार असून, सध्या तेथे जळीत कक्षाची व्यवस्था नसल्याने रुग्णांना जिल्हा रुग्णालयात पाठवावे लागते. पण, ‘बिटको’तही दहा खाटांच्या जळीत कक्षाची निर्मिती केली जाणार आहे. यामुळे पीडित रुग्णांची सोय होण्यास मदत होईल. याकरिता एक कोटी 68 लाखांचा खर्च केला जाणार आहे.

 

 

Bed capacity at the municipal corporation hospital to increase by 190.

 

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

24 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

24 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

1 day ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

1 day ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

1 day ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

1 day ago