नाशिक

गणेश विसर्जनाच्या दिवशी सुरक्षेच्या उपाययोजना करा

पोलिस प्रशासनाचे महापालिकेला पत्र

नाशिक : प्रतिनिधी 
गणेश विसर्जनाच्या दिवशी शहरात कुठलीही अनुचित घटना घडू नये, यासाठी महापालिका प्रशासनाला सज्ज राहण्याच्या सूचना पोलिस आयुक्तांनी पत्र पाठवत केल्या आहेत. सुरक्षिततेच्या दृष्टीने महापालिकेला 16 उपाययोजना करण्याचे निर्देश दिले आहेत. त्यात गणेश विसर्जन मार्ग, तसेच घाटांवर पुरेशी प्रकाशव्यवस्था, क्रेन आणि जीवरक्षक दलाची नियुक्ती करण्याच्या सूचना केल्या आहेत. अग्निशमन दलाचे पथक तैनात ठेवणे, जीवरक्षकांची नावे व संपर्क क्रमांक दर्शविणारे फलक लावणे आणि गर्दी नियंत्रणासाठी आवश्यक व्यवस्था करण्यास सांगितले आहे.
लाडक्या गणरायाला येत्या शुक्रवारी (दि. 25) निरोप दिला जाणार आहे. गणेश विसर्जनाच्या पार्श्वभूमीवर शहरातील गणेश विसर्जन मिरवणुका व विसर्जन स्थळांवर आवश्यक सुविधा व सुरक्षिततेच्या उपाययोजना आवश्यक असल्याचे पोलिस प्रशासनाने म्हटले आहे. विसर्जन मिरवणुकीवेळी मिरवणूक मार्ग तसेच घाटांवर प्रकाशयोजना करण्यासह जीवरक्षक दल, बॅरिकेडिंगसह 16 उपाययोजनांची यादीच पोलिसांनी महापालिकेकडे पाठवली आहे. पोलिस आयुक्त कार्यालयाकडून महापालिकेला पत्र पाठविण्यात आले आहे. गणेश विसर्जनाची तयारी आता प्रशासकीय पातळीवरून केली जात आहे. येत्या शुक्रवारी गणरायाला निरोप दिला जाणार असून, त्याची सज्जता केली जात आहे. त्या पार्श्वभूमीवर रस्त्यावरील हातगाड्या व अतिक्रमणांबाबत स्वतंत्र पथक नेमण्याची सूचनाही केली आहे. सार्वजनिक ठिकाणी लावण्यात आलेले अनधिकृत पोस्टर्स-बॅनर्स काढणे, मोडकळीस आलेल्या इमारतींच्या मालकांना नोटिसा देणे, धोकादायक झाडांच्या फांद्या छाटणे आणि आवश्यक ठिकाणी बॅरिकेडिंग करणे यावर भर देण्यात आला आहे.

मूर्ती वाहतूक वाहनांसाठी स्वतंत्र नियोजन
निर्माल्य संकलनाची व्यवस्था, घाट निसरडा होऊ नये यासाठी उपाययोजना, तसेच कृत्रिम विसर्जन तलावांची व्यवस्था करण्याचेही निर्देश आहेत. गणेशमूर्ती वाहतूक करणार्‍या वाहनांसाठी स्वतंत्र नियोजन करण्यासही महापालिकेला सांगण्यात आले आहे.

 

 

Implement security measures on the day of Ganesh Visarjan.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

24 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

24 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

24 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

1 day ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

1 day ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

1 day ago