Categories: महाराष्ट्र

सहा महिन्यात १ लाख ६४ हजार जणांना बुस्टर डोस

सहा महिन्यात १ लाख ६४ हजार जणांना बुस्टर डोस

नाशिक : प्रतिनिधी

शासनाच्या निर्देशानुसार दि १५ जुलै पासून शहरात १८ वर्ष आणि त्यापेक्षा अधिक वय असलेल्या नागरीकांना कोरोना लसीचा बूस्टर डोस मोफत दिला जात आहे. शहरात पात्र असलेल्या १३ लाख ६३ हजार ७०० नागरिकांपैकी १ लाख ६४ हजार ३१६ लाभार्थ्यांनी मोफत बुस्टर डोसचा लाभ घेतला आहे.

कोरोनाचे अद्याप संकट शमलेले नाही. त्यामुळे कोरोना संकटाचा सामना करण्यासाठी जास्तीत जास्त लोकांनी बुस्टर डोस घ्यावा. नाशिक शहरात १३ लाख ६३ हजार ७०० नागरिक आहेत. त्यापैकी फ्रंट लाईन वर्कर आणि वय वर्ष ६० वरील नागरिकांनी पूर्वीच बुस्टर घेतला होता. १५ जुलै २०२२ पासून १८ वर्षांवरील नागरिकांना मोफत बुस्टर डोस देण्यास सुरुवात झाली आहे. त्यामुळे उर्वरित नागरिक मोफत बूस्टरसाठी पात्र आहेत. नाशिक महानगरपालिकेला कोव्हिशील्ड आणि कोव्हॅक्सिन लसीचा साठा मुबलक प्रमाणात उपलब्ध झाला आहे. नागरिकांनी आपल्या घरा जवळील लसीकरण केंद्रात जाऊन बुस्टर डोस घ्यावा, असे आवाहन सार्वजनिक आरोग्य वैद्यकीय विभागाने केले आहे. शहरातील १९ कोविड लसीकरण केंद्र आहेत. यात कोव्हिशील्ड हे
पंचवटी मधील मायको पंचवटी शहरी प्राथमिक आरोग्य केंद्र, मखमलाबाद शहरी प्राथमिक आरोग्य केंद्र, नांदूर शहरी प्राथमिक आरोग्य केंद्र, हिरावाडी शहरी प्राथमिक आरोग्य केंद्र नशिकरोड विभागात नाशिक रोड शहरी प्राथमिक आरोग्य केंद्र, दसक पंचक शहरी प्राथमिक आरोग्य केंद्र, सिन्नर फाटा शहरी प्राथमिक आरोग्य केंद्र, हिंदु हृदयसम्राट बाळासाहेब ठाकरे रुग्णालय
सातपूर विभाग मायको सातपूर शहरी प्राथमिक आरोग्य केंद्र, नाशिक पूर्व विभाग वडाळा गाव शहरी प्राथमिक आरोग्य केंद्र, भारत नगर शहरी प्राथमिक आरोग्य केंद्र, एस जी एम शहरी प्राथमिक आरोग्य केंद्र, उपनगर शहरी प्राथमिक आरोग्य केंद्र व नाशिक पश्चिम विभाग बारा बंगला शहरी प्राथमिक आरोग्य केंद्र आहे तर सिडको विभागात स्वामी समर्थ रुग्णालय, मोरवाडी, पिंपळगाव खांब शहरी प्राथमिक आरोग्य केंद्र, सिडको शहरी प्राथमिक आरोग्य केंद्र आहेत.

कोव्हॅक्सिनची येथे सोय
१) रेड क्रॉस शहरी प्राथमिक आरोग्य केंद्र
२) हिंदुहृदयसम्राट बाळासाहेब ठाकरे रुग्णालय
३) झाकीर हुसेन रुग्णालय
४)मायको सातपूर शहरी प्राथमिक आरोग्य केंद्र
५)सिडको शहरी प्राथमिक आरोग्य केंद्र

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.