नाशिक

पाच वर्षांच्या मुलीच्या अपहरणप्रकरणी अखेर पित्याविरुद्ध गुन्हा

धारदार शस्त्र दाखवून तक्रारदार व तिच्या वहिनीला धक्काबुक्की केल्याचाही आरोप

नाशिकरोड : विशेष प्रतिनिधी
घरगुती वादातून माहेरी आलेल्या महिलेच्या पाचवर्षीय मुलीला तिच्या संमतीशिवाय घेऊन गेल्याप्रकरणी पित्याविरुद्ध उपनगर पोलिस ठाण्यात रात्री उशिरा गुन्हा दाखल करण्यात आला आहे. या प्रकरणात सूरज चैहान याला नागरिकांनी पकडून पोलिसांच्या ताब्यात दिले आहे. अन्य संशयितांचा शोध सुरू आहे.
पोलिसांनी दिलेल्या माहितीनुसार, तक्रारदार महिला गेल्या महिन्यापासून आई-वडिलांसह प्रेमराज सोसायटी, दत्तमंदिर रोड येथे राहत होती. पतीसोबत घरगुती कारणांवरून वारंवार वाद होत असल्याने ती 29 ऑगस्ट रोजी दोन्ही मुलांसह माहेरी आली होती.
1 ऑक्टोबर रोजी दुपारी दोनच्या सुमारास सात ते आठ जण तक्रारदार महिलेच्या माहेरी आले. त्यांनी घरात घुसून शिवीगाळ व दमदाटी केल्याचा आरोप तक्रारीत करण्यात आला आहे. तसेच धारदार शस्त्र दाखवून तक्रारदार व तिच्या वहिनीला धक्काबुक्की केल्याचेही नमूद आहे.
या टोळक्याने महिलेची पाचवर्षीय मुलीला जबरदस्तीने ताब्यात घेतले. दहावर्षीय मुलाला घेऊन जाण्याचा प्रयत्न केल्याचे तक्रारीत म्हटले आहे. मात्र, आरडाओरड झाल्यानंतर नागरिक जमा झाल्याने आईने मुलाला परत घेतले. दरम्यान, मुलीला एका चारचाकी वाहनातून घेऊन संशयित पसार झाले. नागरिकांनी सूरज चैहान याला पकडून ठेवले. महिलेच्या भावाने 112 वर संपर्क साधल्यानंतर त्याला पोलिसांच्या ताब्यात देण्यात आले. पती जिगर भरतभाई शहा (सिल्वासा, दादरा-नगर हवेली) यांच्या सांगण्यावरून हा प्रकार घडल्याचा आरोप महिलेने केला आहे. तसेच पतीकडून कुटुंबाला धमक्या मिळत असल्याचेही तक्रारीत नमूद आहे.
याप्रकरणी जिगर शहा, सूरज चैहान व सात ते आठ अनोळखी साथीदारांविरुद्ध गुन्हा दाखल करण्यात आला आहे. पोलिसांकडून पुढील तपास सुरू आहे. तपास सहायक पोलिस निरीक्षक लोकेश पवार करीत आहेत.

Case finally registered against father in connection with the kidnapping of a five-year-old girl.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

1 day ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

1 day ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

1 day ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

1 day ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

1 day ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

1 day ago