‘कॉकरोच पार्टी’चे भारतात एक्स अकाउंट बंद

मुंबई :
सरन्यायाधीश सूर्य कांत यांच्या एका विधानामुळे खळबळ उडाल्यानंतर सुरू झालेल्या ‘कॉकरोच जनता पार्टी’ने संपूर्ण देशात खळबळ माजवली आहे. या पार्टीची सोशल मीडियावर जोरदार चर्चा सुरू झाली. अवघ्या सहा दिवसांत कॉकरोच जनता पार्टीने इन्स्टाग्रामवर 13 मिलियन फॉलोअर्स जमवले. कॉकरोच जनता पार्टीने इन्स्टाग्रामवरील फॉलोअर्सच्या संख्येत भाजपलाही मागे टाकले. भारताचे सरन्यायाधीश सूर्य कांत यांच्या देशातील युवकांवरील एका विधानामुळे खळबळ उडाल्यानंतर सुरू झालेल्या ‘कॉकरोच जनता पार्टी’च्या ट्विटर खात्यावर बंदी घालण्यात आली आहे. गेल्या आठवड्यात, सर्वोच्च न्यायालयातील सुनावणीदरम्यान, सरन्यायाधीश सूर्य कांत यांनी देशातील बेरोजगार तरुणांची तुलना कॉकरोचसोबत केली होती. हा वाद वाढल्यानंतर त्यांनी आपल्या वक्तव्यावर स्पष्टीकरण दिले. मात्र, तरुणांनी या वक्तव्याला तीव्र विरोध केला आणि परिणामी ‘कॉकरोच जनता पार्टी’ सुरू झाली.

‘Cockroach Party’s’ X-account closed in India