नाशिक

पस्तीस लाख जन्म-मृत्यू दाखल्यांचे संगणकीकरण

मनपा करणार मोडी लिपी तज्ज्ञांचे आउटसोर्सिर्ंग

नाशिक : प्रतिनिधी
जीर्ण झालेल्या जन्म-मृत्यू नोंदी, तसेच ऐतिहासिक मोडी लिपीतील अभिलेखांचे आधुनिक डिजिटायझेशन (संगणकीकरण) आणि भाषांतर करण्यासाठी आवश्यक आर्थिक तरतुदीचा प्रस्ताव मनपाच्या आरोग्य विभागाने महापालिका आयुक्त मनीषा खत्री यांच्याकडे सादर केला आहे. या प्रस्तावामुळे हजारो महत्त्वपूर्ण सरकारी अभिलेख कायमस्वरूपी सुरक्षित होण्याचा मार्ग मोकळा झाला आहे. तसेच याद्वारे 35 लाख दाखल्याचे संगणकीकरण केले जाणार आहे. यासाठी मोडी लिपी जाणणार्‍या तज्ज्ञांचे आउटसोर्सिंग करण्याचा निर्णय मनपा प्रशासनाने घेतला आहे.
नाशिक महापालिकेच्या पूर्व विभागातील जन्म-मृत्यू नोंदणी कार्यालयातील हजारो जीर्ण व नष्ट होण्याच्या मार्गावर असलेल्या अभिलेखांचा मुद्दा यामुळे सुटण्याचा मार्ग मोकळा झाला आहे.
सन 1957 पासून पुढील वीस वर्षांचे दाखले यात असून, तत्कालीन लिपी समजण्यासाठी जाणकारांची मदत घेण्यात येणार आहे. यासाठी बाह्यस्रोतातून कर्मचारी भरले जाणार असल्याचे महापालिकेचे आरोग्याधिकारी तथा जन्म-मृत्यू मुख्य निबंधक डॉ. विजय देवकर यांनी सांगितले. जन्म आणि मृत्यू दाखले हे प्रत्येक नागरिकाच्या कायदेशीर अस्तित्वाचे व हक्काचे मूलभूत दस्तऐवज मानले जातात. शाळा-महाविद्यालय प्रवेश, पासपोर्ट, पॅनकार्ड, मतदान ओळखपत्र, सरकारी योजनांचा लाभ, वारसा हक्क, बँक व्यवहार, विमा दावे आणि कुटुंब निवृत्तिवेतन यांसारख्या अनेक महत्त्वाच्या कामांसाठी हे दाखले अनिवार्य असतात. मात्र, पूर्व विभागीय कार्यालयातील हजारो मूळ नोंदी जीर्ण अवस्थेत असल्याने आणि अनेक कागदपत्रे अक्षरशः नष्ट होण्याच्या स्थितीत पोहोचल्याने नागरिकांमध्ये गंभीर चिंता निर्माण झाली आहे. पण महापालिकेने आता याबाबत संगणकीकरणाचा निर्णय घेतल्याने नागरिकांची गैरसोय दूर होणार आहे.

Computerization of thirty-five lakh birth and death certificates

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

21 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

22 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

22 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

22 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

22 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

22 hours ago