हाय सिक्युरिटी नंबरप्लेटसाठी पुन्हा १५ ऑगस्टपर्यंत मुदतवाढ

हाय सिक्युरिटी नंबरप्लेटसाठी पुन्हा १५ ऑगस्टपर्यंत मुदतवाढ  परिवहन आयुक्त विवेक भीमनवार यांनी काढले प्रसिद्धीपत्रक

पंचवटी : सुनील बुनगे
हाय सिक्युरिटी नंबरप्लेट बसविण्यासाठी ३१ मार्च २०२५ पर्यंत निर्देश देण्यात आले होते. त्यास मुदतवाढ देऊन ३० जून २०२५ पर्यंत मुदतवाढ देण्याचेही आदेश काढले होते. परंतु जुन्या वाहनांना ही नंबरप्लेट बसविण्याचे काम कमी झाले झाल्याने नागरिकांनी केलेल्या मागणीनुसार त्यास अंतिम मुदतवाढ देण्यात आली असून १५ ऑगस्ट २०२५ पर्यंत मुदतवाढ देण्याचे प्रसिद्धीपत्रक परिवहन विभागाचे आयुक्त विवेक भीमनवार यांनी काढले आहेत.
वाहनांच्या नंबरप्लेटमध्ये छेडछाड व बनावटगिरी करून होणारे गुन्हे कमी करणे, रस्त्यांवर धावणाऱ्या वाहनांची ओळख पटविणे व राष्ट्रीय सुरक्षेच्या दृष्टिकोनातून सर्व वाहनांना हाय सिक्युरिटी रजिस्ट्रेशन नंबरप्लेट ( उच्च सुरक्षा नोंदणी क्रमांक पाटी) बसविणे आवश्यक आहे. १.०४.२०१९ पूर्वी नोंदणी झालेल्या जुन्या वाहनांवर उच्च सुरक्षा नोंदणी क्रमांक पाटी (HSRP) दि.३१ मार्च २०२५ पर्यंत बसविण्याचे निर्देश देण्यात आले होते. जुन्या वाहनांना उच्च सुरक्षा नोंदणी क्रमांक पाटी (HSRP) बसविण्यासाठी संदभर्भीय परिपत्रक क्रमांक २ अन्वये ३० जून २०२५ पर्यंत मुदतवाढ देण्यात आली होती. परंतु अनेक जुन्या वाहनांवर HSRP बसविणे बाकी असल्याने HSRP बसविण्यासाठीची मुदत वाढवून देण्याची मागणी नागरिकांकडून करण्यात आली. त्यानुसार परिपत्रकाद्वारे दि. १ एप्रिल २०१९ पूर्वी नोंदणी झालेल्या वाहनांना HSRP बर्सावण्यासाठी दिनांक १५ ऑगस्ट २०२५ पर्यंत अंतिम मुदतवाढ देण्यात येत आहे. त्यानंतर उच्च सुरक्षा नोंदणी क्रमांक पाटी (HSRP) न बसविणा-या वाहनांवर वायुवेग पथकाद्वारे दंडात्मक कारवाई करण्यात येणार आहे .दि. १५ ऑगस्ट २०२५ पर्यंत HSRP बसविण्यासाठी पुढील अपॉईंटमेंट घेतलेल्या वाहन मालकांवर कोणतीही कारवाई करण्यात येणार नसल्याचेही परिवहन आयुक्त विवेक भीमनवार यांनी प्रसिद्धीस दिलेल्या पत्रकात म्हटले आहे. दरम्यान सर्व सर्व प्रादेशिक परिवहन अधिकारी , उप प्रादेशिक परिवहन अधिकारी यांनी आपल्या कार्यक्षेत्रात याबाबत मोठ्या प्रमाणात जनजागृती करावी, तसेच स्थानिक वाहन वितरक, ऑटोरिक्षा / टॅक्सी बस ट्रक यांच्या संघटनांची बैठक घेऊन याबाबत सर्वांना अवगत करावे.

१५ ऑगस्ट २०२५ अंतिम मुदत

दि. १५ ऑगस्ट २०२५ पर्यंत हाय सिक्युरिटी नंबर प्लेट (HSRP) नंबर प्लेट बसविण्यासाठी अंतिम मुदतवाढ देण्यात येत आहे. त्यानंतर हाय सिक्युरिटी नंबर प्लेट (HSRP) न बसविणा-या वाहनांवर वायुवेग पथकाद्वारे दंडात्मक कारवाई करण्यात येणार आहे .दि.१५ ऑगस्ट २०२५ पर्यंत HSRP बसविण्यासाठी पुढील अपॉईंटमेंट घेतलेल्या वाहन मालकांवर कोणतीही कारवाई करण्यात येणार नाही.