दिलीप दातीर यांचा मनसेला जय महाराष्ट्र

नाशिक: प्रतिनिधी

महाराष्ट्र नवनिर्माण सेनेचे नाशिक पश्चिम मतदार संघात भाजपमधून आलेल्या दिनकर पाटील यांना उमेदवारी दिल्यामुळे मनसेमध्ये नाराजीनामा उफाळून आला आहे. राज ठाकरे यांची गाडी अडवली म्हणून टोल नाका फोडल्याने प्रसिद्धी च्या झोतात आलेले मनसेचे नाशिकमधील पदाधिकारी दिलीप दातीर यांनी आज मनसेचा राजीनामा दिला. यापूर्वी देखील त्यांनी राजीनामा दिला होता मात्र ते मनसे मध्ये सक्रिय होते. तथापि दिनकर पाटील यांच्या उमेदवारी वर शिक्कामोर्तब होताच त्यांनी मनसे प्रमुख राज ठाकरे यांच्याकडे राजीनामा पाठवला, त्यामुळे नाशिकमध्ये देखील मनसे मध्ये नाराजी उफाळून आली आहे.