नाशिक

ईद-उल-फित्रचा सण शहर परिसरात आज होणार साजरा

ईदगाह मैदानावर सकाळी दहा वाजता होणार सामुदायिक नमाज

जुने नाशिक : वार्ताहर
शव्वाल महिन्याचे काल सायंकाळी स्पष्ट चंद्रदर्शन घडल्याने ईद-उल-फित्रचा सण शहर परिसरासह जिल्ह्यात आज (दि. 21) साजरा करण्यात येणार आहे. ईदच्या सामुदायिक नमाजाचा मुख्य सोहळा गोल्फ क्लबवरील ऐतिहासिक शहाजहाँनी ईदगाह मैदानावर सकाळी दहा वाजता होणार आहे. तत्पूर्वी विविध मशिदींतून ईदची नमाज अदा केली जाणार आहे. दरम्यान, काल चांद रातच्या खरेदीसाठी येथील बाजारपेठेत मध्यरात्रीपर्यंत गर्दी झाली होती.
दरम्यान, चंद्रदर्शन घडण्यापूर्वीच काल सायंकाळपासून येथील दूधविक्रेत्यांकडे मोठ्या प्रमाणावर दूध घेण्यासाठी महिला व पुरुषांची मोठी गर्दी झाली होती. ईदच्या दिवशी दूध व ड्रायफ्रूटचा वापर करून प्रत्येक घरामध्ये शिरखुर्मा बनविण्याची परंपरा असल्याने दूध घेण्यासाठी अनेक ठिकाणी रांगा लागल्याचे पहावयास मिळाले. तसेच चंद्रदर्शन घडल्यानंतर चांदरातच्या खरेदीसाठी येथील भद्रकाली मार्केट, मेन रोड, दूध बाजार, दहीपूल, चौकमंडई, मुलतानपुरा, सुफी जीन बाजार आदी भागात खरेदीदारांची रात्री उशिरापर्यंत गर्दी झाल्याचे दिसून आले. याशिवाय, घरातील गॅस टाकी संपल्याने अनेक लोकांनी गॅस वितरकांकडे गॅसच्या टाकीची मागणी करण्यासाठी गर्दी
केली होती.
दरम्यान, ईदचा सण शहरातील मुस्लिम बांधवांनी धार्मिक पद्धतीने व शांततेत साजरा करावा. ईदची सामुदायिक नमाज ईदगाह येथे पठण करण्यास प्राधान्य द्यावे, असे आवाहन खतीब-ए-शहर हाफिज हिसामुद्दीन अशरफी यांनी केले आहे.
दरम्यान, ईदच्या दिवशी सुब्हान अल्लाही व बेहम्देही याचे तीनशे वेळा जप करावे, असे आवाहन मौलाना कारी रईस नुरी यांनी केले आहे. ईदच्या नमाजला जाताना व परत येताना वेगवेगळ्या मार्गांचा अवलंब करावा, जाताना व येताना गोरगरीब व गरजू लोकांची मदत करावी तसेच नमाजापूर्वी फितराची रक्कम अदा करण्यात यावी, असे आवाहन मौलाना इब्राहिम कोकणी यांनी केले आहे.
ईदच्या शुभेच्छा देण्यासाठी शहरातील विविध भागांत मोठ्या प्रमाणावर शुभेच्छाफलक लावण्यात आले आहेत. शुभेच्छा देणार्‍यांमध्ये भाजपा, काँग्रेस, राष्ट्रवादी काँग्रेस, शिवसेना या मोठ्या पक्षांसह अनेक सामाजिक संस्थांच्या पदाधिकार्‍यांचा समावेश आहे.

Eid-ul-Fitr festival to be celebrated in city areas today

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

22 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

22 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

22 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

22 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

22 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

23 hours ago