♦ पीडितेला पाठविले होते व्हिडिओ
♦ आणखी खुलासे होण्याची शक्यता
सिडको : विशेष प्रतिनिधी
नाशिक येथे बलात्कारप्रकरणी अटकेत असलेल्या, अंकशास्त्रज्ञ म्हणून ओळखल्या जाणार्या कॅप्टन ऊर्फ अशोक खरात प्रकरणात नवे वळण समोर आले आहे. त्याच्या कार्यालयात काम करणार्या कर्मचार्यामुळेच या प्रकरणाचा भांडाफोड झाल्याची माहिती पुढे आली आहे. संबंधित कर्मचार्यालाही यापूर्वी एका गुन्ह्यात अडकवण्यात आले असून, त्याला शुक्रवारी (दि. 20) पोलिसांनी अटक केल्याचे समजते.
स्वतःला ‘कॅप्टन’ म्हणून संबोधून राजकीय ज्योतिषी म्हणून वावर करणार्या अशोक खरात याला नाशिक गुन्हेशाखेच्या युनिट-1 पथकाने बुधवारी (दि. 18) बलात्कारासारख्या गंभीर गुन्ह्यात अटक केली होती. गेल्या सुमारे 25 वर्षांपासून विविध व्यक्तींना भविष्य सांगण्याच्या बहाण्याने त्यांचे शोषण केल्याचा आरोप आहे. याप्रकरणी सरकारवाडा पोलीस ठाण्यात गुन्हा दाखल झाल्यानंतर शहरात खळबळ उडाली होती.
या प्रकरणाच्या तपासासाठी विशेष तपास पथक (एसआयटी) स्थापन करण्यात आले आहे. तपास वेगाने सुरू आहे.
दरम्यान, खरात याच्या कार्यालयात शिपाई म्हणून काम करणार्या नीरज जाधव याने या प्रकरणातील महत्त्वाची माहिती पुढे आणल्याचे समोर आले आहे. त्याच्यावरही पूर्वीचा गुन्हा दाखल असून पोलिसांनी त्याची चौकशी करून शुक्रवारी दुपारी अटक केली आहे.तपासादरम्यान खरात यांच्या घरातून दोन लॅपटॉप जप्त करण्यात आले असून त्यातून अधिक माहिती समोर येण्याची शक्यता व्यक्त केली जात आहे. एसआयटीच्या प्रमुख तेजस्विनी सातपुते नाशिकमध्ये दाखल झाल्या असून त्यांनी खरात यांची सुमारे दोन तास चौकशी केल्याची माहिती सूत्रांनी दिली.
राष्ट्रवादी काँग्रेसची स्वतंत्र बैठक
दरम्यान, या प्रकरणाचे राजकीय पडसादही उमटू लागले आहेत. राज्य महिला आयोगाच्या अध्यक्षांचे नाव चर्चेत आल्याने विविध आरोप-प्रत्यारोप सुरू झाले आहेत. राष्ट्रवादी काँग्रेस (अजित पवार गट) पक्षाने स्वतंत्र बैठकीचे आयोजन केले आहे. या बैठकीत रूपाली चाकणकर यांना आपली भूमिका स्पष्ट करावी लागण्याची शक्यता व्यक्त केली जात आहे. याप्रकरणी पुढील काळात आणखी कारवाई होण्याची शक्यता वर्तविण्यात येत आहे.
लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…
कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…
सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…
अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…
महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…