नाशिक

तीन वर्षांपासून 40 लाखांची वीजचोरी

विद्युत उपकेंद्रालगतच सुरू होता चोरीचा ‘खेळ’

सिडको : प्रतिनिधी
इंदिरानगर- वडाळागाव परिसरातील विद्युत उपकेंद्रालगत असलेल्या घरकुल योजनेत सर्रास वीजचोरी सुरू आहे. गेल्या तीन वषार्ंत अंदाजे तब्बल 40 लाख रुपयांची वीजचोरी झाल्याचा धक्कादायक प्रकार समोर आला आहे. विद्युत विभागाने वारंवार कनेक्शन तोडूनही अनधिकृत जोडण्या कायम असल्याने महावितरणच्या कारवाईवरच प्रश्नचिन्ह उपस्थित होत आहे.
याबाबत मिळालेल्या माहितीनुसार, घरकुल योजनेतील एकूण नऊ इमारतींमध्ये 720 ग्राहक आहेत. त्यांपैकी 390 रहिवाशांकडून अनधिकृत वीजजोडण्या घेऊन वीजवापर सुरू असल्याचा आरोप होत आहे. तसेच नऊ थ्रीफेज मीटरपैकी फक्त चार थ्रीफेज जोडण्या अधिकृत आहेत. उर्वरित वीजचोरी ही सलग तीन वर्षांपासून सुरू आहे. यापूर्वीही अनेक वेळा महावितरणकडून अनधिकृत वीजकनेक्शन तोडण्यात आले होते. मात्र, कारवाईनंतर काही दिवसांतच पुन्हा अनधिकृत जोडण्या करून वीजवापर सुरू केला जातो. त्यामुळे केवळ कनेक्शन तोडण्याची औपचारिकता न करता संबंधितांवर कठोर कायदेशीर कारवाई करण्याची मागणी होत आहे.
या परिसरातील काही ग्राहकांकडे सुमारे तीन वर्षांपासून वीजबिलाची मोठी थकबाकी असल्याचे सांगण्यात येत आहेत. थकबाकी असतानाही अनधिकृत पद्धतीने वीजवापर सुरू आहे. विशेष म्हणजे, विद्युत उपकेंद्राला लागूनच हा सर्व प्रकार सुरू असल्याने महावितरणच्या अधिकार्‍यांचे याकडे जाणीवपूर्वक दुर्लक्ष होत असल्याची नाराजी नागरिकांकडून व्यक्त केली जात आहे.
वीजचोरीमुळे नियमितपणे वीजबिल भरणार्‍या प्रामाणिक ग्राहकांवर आर्थिक भार पडत आहे. त्यामुळे महावितरणने या संपूर्ण परिसराची तातडीने तपासणी करून अनधिकृत जोडण्या कायमस्वरूपी बंद कराव्यात, थकबाकी वसूल करावी आणि वीजचोरी आढळल्यास संबंधितांविरुद्ध नियमानुसार फौजदारी गुन्हे दाखल करावेत, अशी जोरदार मागणी वडाळागाव परिसरातील नागरिकांकडून करण्यात येत आहे. आता महावितरण प्रशासन याप्रकरणी नेमकी काय ठोस कारवाई करणार याकडे संपूर्ण वडाळागाव परिसरातील नागरिकांचे लक्ष लागले आहे.

Electricity theft worth ₹40 lakh over three years

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

20 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

21 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

21 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

21 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

21 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

21 hours ago