नाशिक

पोलिसाला बोनेटवर नेले फरपटत; गुन्हा दाखल

नाशिकरोडच्या दत्तमंदिर सिग्नलवरील थरार

नाशिकरोड : विशेष प्रतिनिधी
दत्तमंदिर सिग्नलवर वाहतुकीचे नियम मोडून भरधाव कार चालवणार्‍या बावीसवर्षीय चालकाने कारवाईसाठी पुढे आलेल्या वाहतूक पोलिसाच्या अंगावरच कार घालून ती सुसाट पळवल्याची धक्कादायक घटना घडली. यावेळी पोलिस हवालदार कारच्या बोनेटवर घसरत गेल्याने काही काळ थरार निर्माण झाला. सुदैवाने हवालदाराने बोनेट घट्ट पकडून ठेवल्याने मोठा अनर्थ टळला. याप्रकरणी उपनगर पोलिस ठाण्यात चालकाविरुद्ध सदोष मनुष्यवधाचा प्रयत्न, तसेच शासकीय कामात अडथळा आणल्याप्रकरणी गुन्हा दाखल करण्यात आला आहे.
शहर वाहतूक शाखा युनिट क्रमांक 4 चे पोलिस हवालदार सुधीर राजाराम काकड (वय 47) सायंकाळी सुमारे सहाच्या सुमारास दत्तमंदिर सिग्नलवर वाहतूक नियंत्रणाचे कर्तव्य बजावत होते. त्याचवेळी संशयित चालक वैभव ज्ञानेश्वर दांडे (वय 22, मूळ रा. कावनई, ता. इगतपुरी; सध्या रा. ग्रॅज्युएट वडापाव दुकान, रविवार कारंजा) हा स्विफ्ट डिझायर (एमएच 15-जेएच 6577) कारमधून प्रवाशांना घेऊन भरधाव जात होता. दांडे याने सिग्नलचे उल्लंघन करून मोटवाणी रोडच्या दिशेने जाताना एका महिला दुचाकीस्वाराला धडक दिली. हा प्रकार निदर्शनास येताच हवालदार काकड यांनी कार थांबविण्याचा इशारा केला. कार थांबविण्यासाठी त्यांनी बोनेटवर हात ठेवून चालकाला अडविण्याचा प्रयत्न केला. मात्र, हवालदार बोनेटसमोर असल्याचे लक्षात येऊनही चालकाने कार थांबविण्याऐवजी अचानक वेग वाढवून ती पुढे पळवली. त्यामुळे काकड हे कारच्या बोनेटवर घसरत गेले. त्यांनी प्रसंगावधान राखत बोनेट घट्ट पकडून ठेवल्याने त्यांचा जीव वाचला. या घटनेनंतर उपनगर पोलिस ठाण्यात चालक वैभव दांडे याच्याविरुद्ध गुन्हा दाखल करण्यात आला आहे. पोलिसांकडून पुढील तपास सुरू आहे.

Policeman dragged on car bonnet; case registered.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

21 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

21 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

21 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

21 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

22 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

22 hours ago