नाशिक

दुगाव शिवारात भीषण अपघात; दोन ठार

 

पंचवटी : प्रतिनिधी
नाशिक-गिरणारे रस्त्यावरील दुगाव शिवारात मंगळवारी (दि. 9) रात्री सुमारे 9.45 वाजता झालेल्या भीषण अपघातात मखमलाबाद परिसरातील दोन तरुणांचा जागीच मृत्यू झाला. भरधाव पिकअपने मोटारसायकलला समोरासमोर धडक दिल्यानंतर चालक वाहनासह फरार झाला आहे.
पोलिसांनी दिलेल्या माहितीनुसार, रोहन संदीप पवार (वय 28, रा. मातोश्रीनगर, मखमलाबाद रोड) व यश सुभाष शिंदे (रा. विद्यानगर, मखमलाबाद रोड) हे दोघे मित्र मोटारसायकलने (एमएच 15-जीक्यू 4471) गिरणारे येथून मखमलाबादकडे जात होते. दुगाव शिवारातील एचपी पेट्रोल पंपाजवळ समोरून येणार्‍या पिकअप (एमएच 01-सीआर 3802) चालकाने भरधाव वाहन चालवत मोटारसायकलला जोरदार धडक दिली.
या धडकेची तीव्रता इतकी होती की, दोघेही रस्त्यावर
फेकले गेले. डोक्याला व शरीराला गंभीर दुखापत झाल्याने त्यांचा जागीच मृत्यू झाला. अपघातानंतर चालकाने जखमींना मदत न करता घटनास्थळावरून पलायन केले.
या घटनेची माहिती मिळताच ग्रेड उपनिरीक्षक कोरडे, हवालदार राजेश पगारे व पोलीस शिपाई अमोल गांगुर्डे यांनी घटनास्थळी धाव घेतली.
याप्रकरणी आदित्य सुनील पवार (रा. मातोश्रीनगर) यांनी नाशिक तालुका पोलीस ठाण्यात तक्रार दाखल केली. अज्ञात चालकाविरुद्ध गुन्हा दाखल करण्यात आला आहे. फरार चालकाचा शोध सुरू आहे.

मखमलाबाद परिसरावर पुन्हा शोककळा

काही दिवसांपूर्वी काश्यपी धरण परिसरात चौघांचा बुडून मृत्यू झाल्याची घटना ताजी असतानाच या अपघाताने मखमलाबाद परिसराला पुन्हा मोठा धक्का बसला आहे. मृत रोहन पवार एका खासगी कंपनीत सेल्स अँड मार्केटिंग विभागात कार्यरत होता. त्याच्या पश्चात आई-वडील व लहान बहीण असा परिवार आहे. तो अविवाहित होता. यश शिंदे दिंडोरी पंचायत समिती रुग्णालयात अनुकंपा तत्त्वावर नोकरी करत होता. रोहन व यश जिवलग मित्र असून, सामाजिक कार्यातही सक्रिय होते. त्यांच्या अकाली निधनामुळे विद्यानगर व मातोश्रीनगर परिसरात शोककळा पसरली आहे.

 

Horrific accident in Dugaon area; two killed.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

20 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

20 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

20 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

20 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

20 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

21 hours ago