पावसाळ्यामुळे नर्सरीत रोपांच्या विक्रीत वाढ

शोभिवंत फुलझाडांच्या लागवडीकडे नागरिकांचा कल
नाशिक : अश्‍विनी पांडे
पावसाच्या आगमनानंतर पर्यावरण प्रेमीसह अनेक जण वृक्षाची लागवड करत असतात. पावसाळ्यात लावलेली रोपे टिकत असल्याने जून, जुलै आणि ऑगस्ट महिन्यात मोठ्या प्रमाणात वृक्षांची लागवड करण्यात येते. परिणामी नर्सरीमध्ये विविध वृक्षांची रोपे खरेदीसाठी नागरिक नर्सरीमध्ये गर्दी करत आहेत.
काही दिवसापासून शहरात पावसाच्या सरी कोसळत असल्याने रोपांची लागवड करणे सोपे गेले. पावसाला सुरूवात झाल्याने नर्सरी व्यवसायला उभारी मिळाली आहे. दरवर्षी ज्या प्रमाणे विक्री होते यावर्षीही रोपांची तेवढीच विक्री झाली. पावसाळ्यात रोपांची मागणी असते. तसेच लागवड केलेले रोप पावसाळ्यात बहरतात. रोपवाटिकेत मजूर आणि अधिकारी सातत्याने नर्सरी वाढविण्यासाठी परिश्रम घेतात. आता पाऊस कमी असल्यास ठिबक सिंचनाचा वापर केला जातो. या वर्षी फळ झाडांच्या आणि फुल झाडांच्या रोपांना जास्त मागणी आहे. रोपांच्या वाढीनुसार रोपांची किंमत ठरवली जाते. तसेच वेगवेगळ्या प्रकारच्या झाडांच्या प्रजातीवरून रोपांची किमंत ठरवली जाते. 60 रूपयांपासून अडीच हजार रुपयांपर्यंत रोपांची किमंत आहे. फळ आणि फुलांच्या रोपाबरोबर औषधी झाडांना मागणी आहे. सध्या वड, सप्तपर्णी, लिंब, हिरडा, पिंपळ, जारोल, सीता-अशोक, जांभूळ, सेंद्री, करंजइ, आंबा, फणस, करंबळ, पिवळा चाफा, रिटा, आवळा अर्जुन, शिका, सीमारुबा, कदंब, बेल, बकुळ, मोहगणी, गोरखचिंच, नरक्या अशा औषधी झाडांना मागणी आहे. गुलाब, मोगरा, चाफा, जाई, जुई या रोपांना कायमच मागणी असते. पावसाचे प्रमाण वाढल्यानंतर रोपांच्या मागणीत अधिक वाढ होईल,असा अंदाज आहे.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.

Recent Posts

सोशल मीडियावरही ’आयपीएल’चा फीव्हर; हिताचे रक्षण व्हायला हवे!

आयपीएल अर्थात, इंडियन प्रीमियर लीगचे हे एकोणिसावे वर्ष आहे. सलग एकोणीस वर्षे आपली लोकप्रियता टिकवून…

17 hours ago

मान्सून अंदाज चिंताजनक

चार वर्षांपूर्वी म्हणजे 24 फेब्रुवारी 2022 रोजी रशिया-युक्रेन युद्ध सुरू झाले. या युद्धाचा परिणाम जगावर…

17 hours ago

गणवेश-साहित्य खरेदीत शाळांच्या सक्तीला लगाम!

पालकांना पसंतीच्या दुकानांतून खरेदीची मुभा; शिक्षण विभागाचे परिपत्रक सिन्नर : प्रतिनिधी विद्यार्थ्यांच्या गणवेश, वह्या-पुस्तके तसेच…

17 hours ago

सिन्नरमध्ये आजपासून क्रिकेटचा महासंग्राम

‘आयपीएल’च्या धर्तीवर खेळाडूंचा लिलाव; 16 संघांमध्ये रंगणार टेनिस बॉल डे-नाईट स्पर्धा सिन्नर : प्रतिनिधी सिन्नर…

17 hours ago

कळवणला प्रसूतीनंतर काही तासांत मातेचा मृत्यू

उपजिल्हा रुग्णालयातील प्रकार कळवण : प्रतिनिधी प्रसूतीसाठी कळवण उपजिल्हा रुग्णालयात दाखल असलेल्या मातेचा प्रसूतीनंतर काही…

17 hours ago

महिला अत्याचारांवर ‘झीरो टॉलरन्स’साठी आज बैठक

नाशिक : प्रतिनिधी शहरात अलीकडे घडलेल्या विविध घटनांमधून महिलांचे लैंगिक शोषण तसेच धर्मांतरणासारख्या प्रकारांचा पर्दाफाश…

18 hours ago