नागपूरमध्ये महाविकास आघाडीची सरशी,भाजपा उमेदवार पराभवाच्या छायेत

नागपूर : विधानपरिषदेच्या नागपूर मतदार संघातील महाविकास आघाडीचे उमेदवार सुधाकर आडबाले हे विजयाच्या मार्गावर आहेत. येथे भाजपाचे उमेदवार नागो गाणार हे पराभवाच्या छायेत आहेत. भाजपा उमेदवारापेक्षा सुधाकर आडबाले यांना दुप्पट मते मिळाली आहेत. भाजपा उमेदवाराचा पराभव निश्‍चित असल्याचे पाहून राष्ट्रवादीच्या अमोल मिटकरी यांनी उपमुख्यमंत्री देवेंद्र फडणवीस यांना चिमटा काढला असून, नागपूरमध्ये फडणवीस यांची जादू चालली का नाही? असा सवाल केला. सुधाकर आडबाले यांना 13 हजार मते मिळाली. ना. गो गाणार यांच्यापेक्षा सात हजार मतांची आघाडी घेतली आहे. नागपूरमध्ये एकूण 22 उमेदवार रिंगणात होते. त्यापैकी 19 उमेदवारांची अनामत जप्त झाली आहे.