नाशिक

अहिल्यानगरमधील घटनेच्या चौकशीसाठी महिला काँग्रेसचे निवेदन

सिडको : विशेष प्रतिनिधी
अहिल्यानगर जिल्ह्यात घडलेल्या तीन वेगवेगळ्या गंभीर घटनांमुळे समाजात संतापाचे वातावरण निर्माण झाले आहे. या पार्श्वभूमीवर नाशिक जिल्हा महिला काँग्रेसच्या वतीने प्रशासनाकडे निवेदन सादर करण्यात आले. संबंधित सर्व प्रकरणांची सखोल चौकशी करून पीडितांना न्याय द्यावा, अशी मागणी या निवेदनातून करण्यात आली आहे.
नाशिक जिल्हा महिला काँग्रेस अध्यक्षा वनिता राजेश ढेरिंगे यांच्या नेतृत्वाखाली शाहीन शेख, सुमन राठोड, चंचल अहिरे, हेमांगी सावंत, पूजा म्हस्के व सरला अडांगळे यांनी नायब तहसीलदार प्रियांका पाचरणे यांची भेट घेऊन हे निवेदन दिले.
निवेदनात नमूद केल्याप्रमाणे, नाशिक जिल्ह्यातील सिन्नर तालुक्यातील मिरगाव येथे मंदिराशी संबंधित एका व्यक्तीकडून महिलांचे शोषण केल्याचा गंभीर आरोप करण्यात आला आहे. संबंधित व्यक्तीने राजकीय ओळखीचा गैरफायदा घेतल्याचेही नमूद करण्यात आले. ही घटना उशिरा समोर आल्याने संताप व्यक्त करण्यात आला आहे. अहिल्यानगर जिल्ह्यातील संगमनेर तालुक्यात एका अल्पवयीन शाळकरी मुलीवर अज्ञाताकडून अ‍ॅसिड हल्ला करण्यात आल्याची धक्कादायक घटना घडली आहे. या प्रकरणातील आरोपी अद्याप फरार आहे. या घटनेमुळे विद्यार्थी व पालकांमध्ये भीतीचे वातावरण निर्माण झाले आहे.
पारनेर तालुक्यातील टाकळीपूर परिसरात ज्योतिषाच्या नावाखाली एका वारकरी संस्थेशी संबंधित व्यक्तीकडून अल्पवयीन मुलीचे दीर्घकाळ लैंगिक शोषण झाल्याचा आरोप करण्यात आला आहे. पीडितेच्या कुटुंबाच्या परिस्थितीचा गैरफायदा घेत धमकावून हे प्रकार सुरू ठेवण्यात आल्याचेही निवेदनात नमूद करण्यात आले आहे.
वरील तिन्ही घटनांचा उल्लेख करत सर्व प्रकरणांची निष्पक्ष व सखोल चौकशी करून दोषींवर कठोर कारवाई करण्यात यावी तसेच पीडितांना तत्काळ न्याय मिळवून द्यावा, अशी ठाम मागणी करण्यात आली आहे.
महिलांच्या सुरक्षेसाठी प्रभावी उपाययोजना राबविण्याची गरजही व्यक्त करण्यात आली.
दरम्यान, या प्रकरणांमध्ये योग्य ती कारवाई न झाल्यास नाशिक जिल्हा महिला काँग्रेसच्या वतीने आंदोलन छेडण्यात येईल, असा इशारा निवेदनाद्वारे देण्यात आला आहे.

Mahila Congress’s statement for an inquiry into the incident in Ahilyanagar

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

18 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

18 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

18 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

19 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

19 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

19 hours ago