नाशिक

भरधाव सिटीलिंक बसने सायकलस्वारांना चिरडले, एक ठार

चालकाचे नियंत्रण सुटल्याने बस विरुद्ध दिशेला घुसली

पंचवटी: प्रतिनिधी
शहरात सिटीलिंक बसच्या वेगाचा प्रश्न पुन्हा एकदा ऐरणीवर आला आहे. म्हसरूळ परिसरातील किशोर सूर्यवंशी मार्गावर बुधवारी (दि. 18) दुपारी एका भरधाव सिटीलिंक बसने सायकलवरून जाणार्‍या दोन तरुणांना जोरदार धडक दिली. या भीषण अपघातात संकेत नागोजी गवळी या मुलाचा मृत्यू झाला, तर त्याचा मित्र गंभीर जखमी झाला आहे.
पोलिसांनी दिलेल्या माहितीनुसार, नागोजी सखाराम गवळी (वय 51, रा. श्रीजी हाइट्स, जुईनगर) यांचा मुलगा संकेत आणि त्याचा मित्र आर्यन संदीप वाघमारे हे दोघे बुधवारी दुपारी 2.15 च्या सुमारास सायकलने किशोर सूर्यवंशी मार्गावरून जात होते. समर्थ मेडिकलसमोरून जात असताना कनसरा चौकाकडून ओमकार चौकाकडे अतिवेगाने येणार्‍या सिटीलिंक बसच्या (एमएच 15-जीव्ही 7944) चालकाचे नियंत्रण सुटले. ही बस इतक्या वेगात होती की, चालकाने ती थेट विरुद्ध दिशेच्या लेनमध्ये घातली. समोरून येणार्‍या संकेत आणि आर्यन यांच्या सायकलला बसने भीषण धडक दिली. या धडकेत संकेतच्या डोक्याला गंभीर दुखापत झाल्याने त्याचा मृत्यू झाला. आर्यन वाघमारे गंभीर जखमी झाला असून, त्याच्यावर उपचार सुरू आहेत.
धडक दिल्यानंतर बसने रस्त्याच्या कडेला उभ्या असलेल्या एका झायलो गाडीलाही धडक दिली. त्यात गाडीचे मोठे नुकसान झाले आहे. या अपघाताची भीषणता पाहून परिसरात खळबळ उडाली. मात्र, अपघात घडल्यानंतर बसचालक मदतीसाठी न थांबता घटनास्थळावरून पसार झाला. म्हसरूळ पोलिसांनी याप्रकरणी बसचालकाविरुद्ध गुन्हा दाखल केला आहे. पोलीस उपनिरीक्षक एस. एस. मद्रुपकर पुढील तपास करत आहेत.

Speeding Citylink bus crushes cyclists, one killed

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

18 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

18 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

18 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

19 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

19 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

19 hours ago