संपादकीय

मुंढेसाहेब, अभी बहोत करना बाकी है !

– अशोक थोरात

’नायक’मधील एक दिवसाचा मुख्यमंत्री अनिल कपूर 24 तासांत सर्व बदलतो व अखेरच्या मिनिटात भामट्या सत्ताधार्‍यांना जेलमध्ये टाकतो, तसेच सध्या राज्यात गरजेचे आहे. ना. नरहरी झिरवळ विनोदी नेतृत्व, पण खात्यात काम नाही. कारवाईचे नाटक करणे एवढेच काम अन्न व औषध प्रशासन करीत होते. देवाभाऊंनी चांगले प्रामाणिक काम करतात म्हणून सर्वच राजकारण्यांचे शत्रू, पण जनतेचे आवडते अधिकारी तुकाराम मुंढे यांना या खात्याचे आयुक्त केले. 21 वर्षांच्या नोकरीत ही पंचविसावी बदली झाली. म्हणजे तुकाराम मुंढे राज्यातील सर्वांत वाईट अधिकारी. सरासरी वर्ष पूर्ण व्हायच्या आत बदली. अन्न व औषध प्रशासन हे सर्वांत महत्त्वाचे खाते, ज्याचा संबंध जनतेच्या आरोग्याशी आहे तेच खाते अडगळीत टाकले होते. हजर झाल्यापासून हे खाते कोमातून शुद्धीवर आले व धाडसत्र सुरू झाले.
राज्यात पशुधनाचा तपास नाही, पण भेसळखोरांचे दूध मात्र सुरूच असते. म्हणजे दुधाचा समुद्रच बनवला आहे भेसळीने. आता ग्रामीण भागात खरंच गुटखा येतच नाही, तर भेसळबहाद्दरांनी बरेच पदार्थ विकणे बंद केलेले आहे. पण याचे प्रमाण कमी आहे. भामटेगिरी थाबंलेली नाही, हे नक्की. खरे बोलायचे तर कानाकोपर्‍यांत मोठंमोठे भव्य मिठाईचे दुकान सर्वत्र दिसतात. चमकदार पॅकिंग, आकर्षक रंग, अशा मिठाया या दुधाच्या अजिबात नसतात. भेसळीचे बनवलेले दूध असते. म्हणून सर्वच भामट्यांनी मुंढे नावाचा धसका घेतला आहे.
बरेच लोक हॉटेलमध्ये जेवायची वेळ आलीच तर अंडा-करी, शेवभाजी, काजू मसाला व दाळ तडका खातात. कारण यात भेसळ बरीच कमी असते, असा समज आहे. वेगवेगळे चायनीज पदार्थ मात्र बनावट पनीरचे असतात. वेगवेगळे केमिकलचे रंग टाकून चव आणली जाते. तुकाराम मुंढेंची जर दुधातील भेसळबहाद्दर लॉबीने बदली केली तर राज्यात मोठा गोंधळ व आंदोलन उभे राहील. देवाभाऊ राहू द्या मुंढे साहेबांना. तीन वर्षांत निरोगी राज्य बघायला मिळेल, हे नक्की! जनतेच्या आरोग्याशी खेळणारे वैद्यकीय क्षेत्रात अनेक घटक आहेत. नामांकित व बनावट औषध कंपन्या सर्वत्र छुपा कारभार करीत असतात. सुमार दर्जाची औषधे बनावट लेबलने विकली जातात, ही वस्तुस्थिती आहेच. पनीरप्रमाणेच गूळ उत्पादकांनी मुंढेंच्या धाकाने गुळाचे उत्पादन बंद केल्याने गूळ मार्केट बंद पडले आहे. खरेतर यावर भागणार नाही. राज्यातील सर्वच क्षेत्रांत शुद्धीकरणाची गरज आहे.

Mundhesaheb, there is still a lot to do!

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

19 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

19 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

19 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

19 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

20 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

20 hours ago