राष्ट्रीय/आंतरराष्ट्रीय

मासिक पाळी रजांमुळे समाजात नकारात्मक संदेश

सुनावणीस कोर्टाचा नकार; नोकर्‍यांवर परिणामाची भीती

नवी दिल्ली : महिला कर्मचारी आणि विद्यार्थिनींसाठी मासिक पाळीच्या काळात सशुल्क सुट्टी देण्याची देशव्यापी धोरण तयार करण्याची मागणी करणार्‍या याचिकेवर सर्वोच्च न्यायालयाने सुनावणी करण्यास नकार दिला आहे. अशी सुट्टी कायद्याने अनिवार्य केल्यास कंपन्या महिलांना नोकरी देण्यास टाळाटाळ करू शकतात, अशी भीतीही न्यायालयाने व्यक्त केली. काल यासंदर्भात झालेल्या सुनावणीत न्यायालयाने अशा प्रकारची रजा देणे उचित नसल्याचे स्पष्ट केले.
महिलांसाठी ‘मेनस्ट्रुअल लीव्ह’ देण्याबाबत धोरण तयार करण्याची मागणी सुप्रीम कोर्टात करण्यात आली होती. मात्र न्यायालयाने या विषयावर थेट हस्तक्षेप करण्यास नकार देत संबंधित विभागांनी सर्व भागधारकांशी चर्चा करून धोरणाचा विचार करावा, असे मत व्यक्त केले. याचिकाकर्त्यांचे वकील वरिष्ठ अधिवक्ता एम. आर. शमशाद यांनी सुनावणीदरम्यान सांगितले की, केरळसारख्या काही राज्यांमध्ये विद्यार्थिनींसाठी मासिक पाळीच्या सुट्टीसंदर्भात सवलती देण्यात आल्या आहेत. तसेच काही खासगी कंपन्यांनीही स्वेच्छेने महिलांना अशी सुट्टी देण्याची सुविधा सुरू केली आहे. यावर प्रतिक्रिया देताना सरन्यायाधीशांनी सांगितले की, कंपन्यांनी स्वेच्छेने अशी सुविधा देणे स्वागतार्ह आहे. मात्र, ती कायद्याने अनिवार्य केली तर नियोक्ते महिलांना नोकरी देण्यास टाळतील आणि त्यामुळे त्यांच्या करिअरवरही परिणाम होऊ शकतो.

भीती निर्माण करण्यासाठी याचिका दाखल?
सरन्यायाधीश सूर्यकांत आणि न्यायमूर्ती जॉयमाल्य बागची यांच्या खंडपीठाने निरीक्षण नोंदवलं की, अशा प्रकारच्या काही याचिका समाजात भीती निर्माण करतात. यामुळे महिलांना कमी लेखलं जातं आणि मासिक पाळी ही महिलांसाठी काहीतरी नकारात्मक किंवा त्रासदायक बाब असल्याचा संदेश दिला जातो.
समाजावर होऊ शकतात नकारात्मक परिणाम
सुप्रीम कोर्टाने असेही नमूद केलं की, पीरियड्स लीव्ह हा सकारात्मक अधिकार असू शकतो, मात्र कंपन्यांच्या दृष्टीने सशुल्क सुट्टी देण्याची जबाबदारी विचारात घेतली पाहिजे. अशा प्रकारची सक्ती केली तर त्याचे समाजावर आणि रोजगाराच्या संधींवर नकारात्मक परिणाम होऊ शकतात.

Negative messages in society due to menstrual leave

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

20 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

20 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

20 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

21 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

21 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

21 hours ago