बनावट ॲाईल विक्री करणाऱ्या दुकानदारांवर कारवाई

लासलगाव प्रतिनिधी

लासलगाव व विंचुर येथे कॅस्ट्रोल कंपनीचे बनावट ॲाईल विक्री करणाऱ्या दुकानदारांवर लासलगाव पोलीसांनी कारवाई केली असल्याची माहिती सहायक पोलिस निरीक्षक राहुल वाघ यांनी दिली.या प्रकरणी लासलगाव पोलीस ठाण्यात फरमान कबीर हसन राहणार उद्योग विहार गुरगाव,राज्य हरियाणा यांनी दिलेल्या फिर्यादीवरून लासलगाव पोलीस ठाण्यात भा द वि कलम अंतर्गत इम्तियाज इसाक काजी राहणार पिंपळगाव नजीक,मनीष अशोकराव खुटे राहणार पिंपळगाव नजीक,निलेश भीम शर्मा राहणार लासलगाव तसेच संतोष जगन्नाथ राऊत राहणार विंचूर तालुका निफाड हे कॅस्ट्रॉल कंपनीचे डुप्लिकेट ऑइल विकत
असल्याची फिर्यादी दिल्याने या सर्व व्यक्तिविरुद्ध गुन्हा दाखल करण्यात आला असून त्यांच्याकडून 19,691 रुपये किमतीचा मुद्देमाल हस्तगत करण्यात आला आहे. लासलगाव पोलिस ठाण्याचे स पो नि राहुल वाघ यांच्या मार्गदर्शनाखाली पथक तयार करून पोलीस उपनिरीक्षक आजिनाथ कोठाळे,पोलीस हवलदार कैलास महाजन, संदीप शिंदे,प्रदीप आजगे,सागर आरोटे,सुजय बारगळ, कैलास मानकर व देविदास पानसरे यांच्या पथकाने कारवाई केली.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.