पिंपळगावला एचडीएफसी बँकेचे एटीएम फोडले

पिंपळगावला एचडीएफसी बँकेचे एटीएम फोडले

दिक्षी : मिनी दुबई आणि जिल्ह्यातील सर्वात मोठी कांद्याची बाजारपेठ अशी ओळख असलेल्या पिंपळगाव बसवंत येथील येथील चिंचखेड चौफुलीवरील एचडीएफसी बँकेचे एटीएम फोडून अज्ञात चोरट्यांनी तब्बल २८ लाख रुपये चोरून नेल्याची घटना घडली आहे. यामुळे परिसरात एकच खळबळ उडाली आहे.

पिंपळगाव बसवंत येथील चिंचखेड चौफुली परिसर सतत गजबजलेला असतो. शनिवारी पहाटेच्या सुमारास अज्ञात चोरट्यांनी याठिकाणी असणारे एचडीएफसी बँकेचे एटीएम फोडले आणि त्यातून तब्बल २८ लाख रुपये लंपास केल्याची प्राथमिक माहिती आहे. चोरट्यांनी एटीएम फोडण्यास कटरचा वापर केला व ते महागड्या गाडीने आले होते, अशी माहिती मिळत आहे. एटीएम फोडताना चार जण सीसीटीव्हीत कैद झाले असून त्याआधारे पोलीस चोरट्यांचा शोध घेत आहेत.