मुंबई : प्रतिनिधी
ऐन सणासुदीच्या काळात सर्वसामान्यांच्या खिशाला महागाईची मोठी झळ बसत आहे. गृहिणींचे बजेट पार कोलमडून गेले आहे. खाद्यतेल आणि भाज्यांच्या वाढत्या दरांपाठोपाठ आता डाळींच्या किमतीतही मोठी वाढ झाली आहे. देशातील बाजारपेठांमध्ये हरभरा (चना), मूग, तूर (अरहर), उडीद आणि मसूर यांसारख्या रोजच्या वापरातील महत्त्वाच्या डाळींचे दर गगनाला भिडले आहेत, ज्यामुळे ग्राहकांच्या चिंतेत आणखी भर पडली आहे.
बाजारपेठेतील ताज्या आकडेवारीनुसार, डाळींच्या किरकोळ दरात लक्षणीय वाढ नोंदवली गेली आहे. गेल्या वर्षी 113.66 रुपये प्रतिकिलो असणारा तूर डाळीचा राष्ट्रीय सरासरी किरकोळ दर आता थेट 124.23 रुपये प्रतिकिलोच्या घरात पोहोचला आहे. यासोबतच मसूर आणि उडीद डाळीतही मोठी तेजी पाहायला मिळत आहे. बाजारातील तज्ज्ञांच्या अंदाजानुसार आगामी काळात मसूरच्या दरात क्विंटलमागे सुमारे एक हजार रुपयांची तर तूरडाळीत आणखी तीनशे रुपयांची वाढ होण्याची शक्यता वर्तवली जात आहे. हरभरा आणि मूगडाळीचे भावही सातत्याने चढेच असल्याने बाजारात डाळींच्या किमतींनी अक्षरशः शिखर चढायला सुरुवात केली आहे.
Pulse prices also increased.