अन्यथा दंडात्मक कारवाई; महापालिका आयुक्तांचे निर्देश
नाशिक : प्रतिनिधी
अनधिकृत होर्डिंग्जवर नियंत्रण आणण्याकरिता महापालिका प्रशासनाने आक्रमक भूमिका घेतली आहे. यापुढे शहरात कोणतेही जाहिरातीचे होडिर्ंग्ज लावायचे असेल तर त्यावर क्यूआर कोड टाकणे आवश्यक असेल. अन्यथा संबंधित होडिर्ंग्ज अनधिकृत समजून त्या व्यक्तीला तीन हजारांचा दंड ठोठावला जाईल. याबाबतचे आदेश मनपा आयुक्त मनीषा खत्री यांनी काढत त्यानुसार कार्यवाहीचे निर्देश दिले आहेत.
गेल्या काही वर्षांपासून शहरात अनधिकृत होडिर्ंग्जचा बाजार झाला आहे. राजकीय पक्ष, सामाजिक, शैक्षणिक, धार्मिक, सांस्कृतिक व क्रीडा संस्थांचे चौकाचौकांत असलेल्या होर्डिंग्जमुळे शहराचे विद्रूपीकरण होत आहे. याप्रकरणी मुंबई उच्च न्यायालयाचे गुन्हे दाखल करण्याचे स्पष्ट आदेश असूनही मनपा प्रशासन कारवाई करत नसल्याचे चित्र होते.
आता आयुक्त खत्री यांनी याबाबत आक्रमक भूमिका घेतली आहे. त्यानुसार जाहिरात परवाने विभागाने 181 जागा निश्चित केल्या आहेत. या ठिकाणांची यादी मनपाचे संकेतस्थळावर व सर्व विभागीय कार्यालयांच्या नोटीस बोर्डावर प्रसिद्ध करण्यात आली आहे.त्यानुसार ज्यांना होर्डिंग्ज अथवा फलक उभारायचे असल्यास विभागीय कार्यालयाच्या नागरी सुविधा केंद्रात विहित मुदतीत रीतसर अर्ज दाखल करून संबंधित विभागाची परवानगी प्राप्त करावी. होर्डिंग्जवर अर्जदाराचे नाव, परवानगी क्रमांक, परवानगी दिलेले ठिकाण व परवानगीचा कालावधी माहिती असणारा क्यूआर कोड दर्शनी भागावर प्रदर्शित करण्यात यावा. तरच ते अधिकृत मानण्यात येईल. छपाई करणारे छपाईदार जाहिरात फलकांची छपाई करून मनपा, खासगी जागेत विनापरवाना जाहिरात लावण्याचे काम करतात. मात्र, जाहिरातधारकांनी मनपाची परवानगी घेतलेली आहे की नाही, याची शहानिशा करत नाहीत. यापुढे त्यांनी परवाना असल्याची खात्री करूनच छपाई करावी. अन्यथा अशा छपाईदारांवरही महापालिका कररवाई करेल, असा इशारा देण्यात आला आहे.
अंमलबजावणी व्हावी
मनपा प्रशासनाने घेतलेल्या या निर्णयाची अंमलबजावणी होणे आवश्यक आहे.
शहरातील सहाही विभागांत अक्षरश: अनधिकृत होर्डिंग्जचा सुळसुळाट झाला आहे.
भाऊ, दादा, आप्पा, अण्णाच्या होर्डिंग्जचा तिटकारा सामान्य नागरिकांना येतो.
मात्र, आजवर याप्रकरणी महापालिका प्रशासन दुर्लक्ष करत आले आहे.
परंतु आता जाहिरातीसाठी क्यूआर कोड आवश्यक केल्याने यानिमित्ताने तरी
अनधिकृत होर्डिंग्जला लगाम बसेल, असा विश्वास व्यक्त केला जात आहे.
नाशिक: प्रतिनिधी मुख्यमंत्री देवेंद्र फडणवीस आणि साधू महंत यांच्या उपस्थितीत आज जिल्हाधिकारी कार्यालयात झालेल्या बैठकीत…
मुख्यमंत्री देवेंद्र फडणवीस यांचे ओझर विमानतळ येथे आगमन नाशिक : प्रतिनिधी मुख्यमंत्री देवेंद्र फडणवीस यांचे…
मनमाड : आमिन शेख मनमाड जे जंक्शन स्थानक असुन या ठिकाणी रोज काहींना काही घटना…
फॅशन वीक म्हणजे फक्त डिझायनर कपडे, कॅमेर्‍यांचे फ्लॅश आणि रॅम्पवॉक एवढ्यावरच मर्यादित नसते, तर ती…
1. आरामदायक फुटवेअर निवडा उन्हाळ्यात पायांना घाम येणे आणि दुर्गंधीचा त्रास होऊ शकतो. म्हणून अशा…
अहिल्यादेवी होळकर म्हणजे तुम्हा-आम्हा सर्वांच्या मनात असणारी ती प्रतिमा की, ज्यात सात्त्विकता, सुशीलता, शीतलता, पवित्रता,…