धगधगत्या मशालीने घडविला होता इतिहास

शिवसेनेचे जुनेच चिन्ह; भुजबळांनी मिळवला होता विजय

नाशिक: भागवत उदावंत

उद्धव ठाकरे यांच्या गटाच्या
शिवसेनेला निवडणूक आयोगाने दिलेले मशाल हे चिन्ह काही नवीन नाही, मशाल या चिन्हाशी शिवसेनेचे जुने नाते आहे, याच मशालीने मुंबईत इतिहास घडला आहे,

शिवसेनेला मशाल हे चिन्ह देण्यात आले पण यापूर्वी देखील शिवसेनेकडे मशाल हे चिन्ह होते.
*छगन भुजबळ हे नगरसेवक पदासाठी 1985 साली उभे असताना त्यांना शिवसेनेचे मशाल हे चिन्ह देण्यात आले होते…*
*2 मार्च 1985 ला विधानसभेची निवडणूक झाली आणि ते शिवसेनेचे एकमेव आमदार झाले. त्यानंतर एप्रिल मध्ये मुंबई महापालिकेची निवडणूक झाली त्यात देखील ते नगरसेवक पदासाठी उभे होते*
1985 साली स्व. बाळासाहेब ठाकरे यांनी स्वबळावर महापालिका निवडणूक लढविण्याचे ठरविले आणि त्यावेळी चिन्ह होते “धगधगती मशाल” या चिन्हावर शिवसेनेचे 74 नगरसेवक निवडून आले आणि शिवसेनेची महापालिकेत सत्ता आली आणि मशालीने इतिहास घडविला होता.

सोशल मीडियावर पेटल्या मशाली

केंद्रीय निवडणूक आयोगाने उद्धव ठाकरे यांच्या नेतृत्वाखालील शिवसेनेला मशाल हे निवडणूक चिन्ह अंधेरी पोटनिवडणुकीसाठी दिल्यानंतर सोशल मीडियावर अनेकांनी मशालीने स्टेटस अपडेट केले, तसेच उद्धव ठाकरे यांच्या शिवसेनेने गाणे तसेच पोस्टर लॉन्च केल्यानंतर सोशल मीडियावर ही अनेकांनी हे नवीन चिन्ह तसेच गाण्याचे स्टेटस ठेवले, तर काहींनी सामना या चित्रपटातील उषा काल होता होता काळ रात्र झाली,,,हे गाणे स्टेटस लावले, तर काही ठिकाणी मशाली पेटवत जल्लोष केला,
,,,,,,,
शिंदे गटाकडूनही पोस्टर लॉन्च
शिंदे गटाला निवडणूक आयोगाने अद्याप चिन्ह दिले नसले तरी बाळासाहेबांची शिवसेना असे नाव दिले आहे, शिंदे गटानेही बाळासाहेब ठाकरे यांचा फोटो लावत आम्ही बाळासाहेबांचे वारसदार अशी टॅग लाईन देण्यात आली होती,

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.