पंचवटी : वार्ताहर
सर्पमित्र साप म्हटले की , भल्याभल्यांची त्रेधातिरपीट उडून जाते . परंतु , महसूल विभागातील तहसीलदार साहेबराव सोनवणे हे एका सापाचा जीव वाचविण्यासाठी रात्रीच्या सुमारास धावून गेले . त्यामुळे सापाला जीवदान मिळाले .
साप दिसला की , सगळेच हादरून जातात . काहींची तर भीतीने गाळणच उडते . पण प्रशासकीय सेवेत कार्यरत असतानाही सर्पमित्र म्हणून तहसीलदार सोनवणे यांचे नवीन रूप नागरिकांना पहावयास मिळाले . रात्री ९ ते १० च्या सुमारास मखमलाबाद परिसरातील मानकर मळा , खंडेराव मंदिर भागातील दिशा शिवदर्शन रोबंगलो भागात हेमंत सूर्यवंशी यांना साप दिसला . तेव्हा त्यांनी लागलीच रो- बंगल्यातील एकाला सांगितले की , या ठिकाणी साप आहे . तेव्हा तेथील नागरिकांनी जवळच राहणाऱ्या नाशिक येथील महसूल आयुक्तालयातील सर्पमित्र असलेले तहसीलदार साहेबराव सोनवणे यांना कळविताच तेही हजर झाले . त्यांच्यासमवेत त्यांचा मुलगाही
आला होता . साप जवळपास अडीच ते तीन फुटांचा होता . परंतु , ज्यांनी पाहिला त्यांना तो काय आहे हेही माहीत नसल्याने तेही जरा घाबरून गेले होते . परंतु , सोनवणे आल्यानंतर त्यांनी घाबरून जाऊ नका , डूरक्या घोणस जातीचा साप असल्याने तो विषारी नाही असे सांगितले . त्यांनी तात्काळ त्या सापाला पकडून ताब्यात घेतले . जेव्हा सूर्यवंशी यांनी इतका मोठा अधिकारी असूनही त्यांनी साप पकडला तेव्हा त्यांचे आभार मानले . तेव्हा सोनवणे यांनी माझे नका आभार मानू , तुम्हीच एका सापाचा जीव वाचवला , असे सांगितले .