नाशिक

एसटीचा डिजिटल कारभार प्रवाशांच्या मुळावर

ऑनलाइन पैसे कट होऊनही रोख रकमेची सक्ती; नाशिक-शेगाव बसमधील प्रकार

निफाड : तालुका प्रतिनिधी
राज्य शासनाच्या परिवहन महामंडळाकडून डिजिटल सेवेचा मोठा डांगोरा पिटला जात असला, तरी प्रत्यक्षात हा कारभार प्रवाशांच्या खिशाला कात्री लावणारा ठरत आहे. नाशिक- निफाडदरम्यान दैनंदिन प्रवास करणार्‍या एका नोकरदाराला नाशिक-शेगाव बसमध्ये आठवडाभरात दोनदा ऑनलाइन पैसे कट होऊनही पुन्हा रोख पैसे द्यावे लागल्याचा संतापजनक अनुभव आला आहे.
निफाड येथे नोकरीनिमित्त दररोज नाशिक-निफाड असा प्रवास करणारे मोहन महाजन नाशिक येथून दररोज निमाणी बसस्थानकातून निफाड येथे येतात. बस प्रवासाकरिता राज्य शासनाने डिजिटल सेवेचा लाभ घेण्याचे आवाहन केले आहे. त्याप्रमाणे मोहन महाजन यांनी नाशिक येथून निमाणी बसस्थानकातून नाशिक-शेगाव बसने 1 जून रोजी सकाळी 8.15 वाजता प्रवास सुरू करत एमएसआरटीसीच्या क्यूआर कोडवर निफाडचे भाडे 91 रुपये फोन-पेद्वारे जमा केले.
वाहकाकडे तिकिटाची मागणी केली. मात्र. वाहकाने ऑनलाइन 91 रुपये जमा झाले नसल्याचे सांगत रोख स्वरूपात रक्कम देण्याची मागणी केली. ऑनलाइन गेलेले पैसे परत खात्यात येतील, असा खुलासा केला. त्यानंतर महाजन यांनी 91 रुपयांचे तिकीट रोख पैसे देऊन घेतले. मात्र, ऑनलाइन जमा झालेले 91 रुपये काही परत जमा झाले नाहीत. असाच अनुभव महाजन यांना त्याच नाशिक- शेगाव बसने 8 जून रोजी प्रवासादरम्यान आला. तेव्हाही ऑनलाइन पैसे जमा होऊनही रोख 91 रुपये द्यावे लागले. मात्र, ऑनलाइन कपात झालेले 91 रुपये परत आले नाहीत.

चार आण्याची कोंबडी अन् बारा आण्याचा मसाला!

या संदर्भात मोहन महाजन यांनी निफाड येथील बसस्थानकातील कंट्रोल रूमला भेट देऊन माहिती दिली. मात्र, नाशिक-शेगाव बस येवला आगाराची असून, तक्रार करण्यासाठी येवला येथे जाण्याचा सल्ला दिला. नोकरीची जबाबदारी सोडून पुन्हा 182 रुपये मिळविण्यासाठी येवल्याला जाणे म्हणजे चार आण्याची कोंबडी अन् बारा आण्याचा मसाला, अशी गत झाली आहे. असा प्रकार नित्याने होत असेल तर काहीतरी गफला करून सामान्य प्रवाशांच्या घामाचे पैसे उडविले जात आहेत का, अशी शंका निर्माण होते. या प्रकाराची चौकशी होणे गरजेचे आहे, अशी मागणी प्रवाशांनी केली आहे.

 

ST’s digital operations spell trouble for passengers.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

18 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

18 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

18 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

18 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

19 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

19 hours ago