नाशिक

पगाराची 15 लाखांची रोकड घेऊन सुपरवायझर फरार

माळेगाव एमआयडीसीत प्रकार; कर्मचार्‍याविरोधात गुन्हा दाखल

सिन्नर : प्रतिनिधी
कामगारांच्या पगारासाठी मालकाने विश्वासाने सोपवलेली 15 लाख रुपयांची रोकड घेऊन सुपरवायझरच पसार झाल्याचा प्रकार माळेगाव एमआयडीसीत समोर आला आहे. पाच वर्षांपासून कामावर असलेल्या सुपरवायझरने कामगारांना पगार न देता रोकड घेऊन पलायन केल्याने खळबळ उडाली. याप्रकरणी एमआयडीसी सिन्नर पोलिस ठाण्यात गुन्हा दाखल करण्यात आला आहे.
दिलीप कोंडाजी सांगळे हे माळेगाव एमआयडीसी परिसरात लेबर कॉन्ट्रॅक्टर म्हणून काम करतात. त्यांच्याकडे अमित कुमार साहू (रा. पिपरिया, जि. होशंगाबाद, मध्य प्रदेश) हा गेल्या पाच वर्षांपासून सुपरवायझर म्हणून कार्यरत होता. या काळात त्याने सांगळे यांचा विश्वास संपादन केला होता.
16 ते 17 सप्टेंबरदरम्यान सांगळे यांनी कामगारांना पगार देण्यासाठी साहू याच्याकडे 15 लाख रुपयांची रोकड दिली.
मात्र, साहूने कामगारांना पगार वाटप केले नाही. त्याऐवजी संपूर्ण रोकड घेऊन तो पसार झाला. 15 लाखांच्या रकमेत 500, 200, 100, 50, 20 आणि 10 रुपयांच्या नोटांचा समावेश असल्याचे तक्रारीत नमूद करण्यात आले आहे.
या प्रकरणी एमआयडीसी सिन्नर पोलिस ठाण्यात भारतीय न्याय संहितेच्या कलम 318(4), 396(4) अन्वये गुन्हा दाखल करण्यात आला आहे. आरोपीचा शोध घेण्यासाठी पोलिसांची पथके रवाना झाली असून, पुढील तपास सुरू आहे.
पाच वर्षांपासून कामावर असलेल्या सुपरवायझरकडे मोठी रोकड सोपविण्यात आली होती. मात्र, कामगारांचा पगार करण्याऐवजी त्याने रोकड घेऊन पलायन केल्याने फर्ममधील कर्मचार्‍यांमध्येही चर्चेला उधाण आले आहे.

Supervisor absconds with ₹15 lakh in cash meant for salaries.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

20 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

20 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

20 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

20 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

21 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

21 hours ago