द्वारका : वार्ताहर राष्ट्रवादीच्या खासदार सुप्रिया सुळे या रविवारी नाशिकमध्ये येत असून , सकाळी ९ .३० वाजता भुजबळ नॉलेज सिटी येथे त्यांचे आगमन होणार आहे . सकाळी १०.०० वाजता शहरातील चार्टड अकाऊंटट व संघटनेतील पदाधिकारी यांच्यासोबत सी ए भवन , अशोका शाळा येथे बैठक घेऊन संवाद साधणार आहे . सकाळी ११.१५ वा गंगापूर रोड येथील यशवंतराव चव्हाण सेंटर येथे यशस्विनी सामाजिक अभियानातील पदाधिकारी व महिलांची बैठक आयोजित करण्यात आली आहे . दुपारी ३.३० वाजता कुसुमाग्रज स्मारक येथे साहित्य क्षेत्रातील व पत्रकारिता महिलांशी संवाद साधणार आहे . सायंकाळी ६ वाजता मोहाडी येथील सह्याद्री फार्म येथील कर्ता शेतकरी प्रकल्पास भेट देणार आहे . अशी माहिती शहराध्यक्ष रंजन ठाकरे यांनी दिली .